Чидіглерінең поғдархапчабыс
05.04.2024
Хабарлар
Сыйыхтас культура тоғынҷыларының чайаачы сағыстарын чуртасха кирер кӧңнілерін уламох кӧдірзін
Сыйыхтас. Хакасия пазы культураның паза искусствоның иң чахсы тоғынҷыларын сыйыхтарнаң таныхтаан
Хакасия правительствозында республиканың культура тоғынҷыларын чеестееннер. Профессия ӱлӱкӱні хоостыра регион пазы Валентин Коновалов культура тураларының тоғынҷыларына, олған искусство школаларының ӱгретчілеріне, музыканттарға, артисттерге паза библиотекарьларға сыйыхтар читірген.
«Хакас Республика культуразының саблығ тоғынҷызы» аарластығ ат Майнадағы «Акварель» олған искусство школазының ӱгретчізі Елена Алтабасоваа пирілген, «Хакасияның саблығ артизі» ат – М.Ю.Лермонтовтың адынаң Орыс академическай драма театрының артизі, сцена узы Денис Энгельге.
Паза отысха чағын культура тоғынҷызы Аарластығ паза алғыстастығ пічіктерге турысхан.
Валентин Коновалов оларның полғанына ла алғызын читірген – кӧп чыл нандырығлығ тоғызы, чайаачы чидіглері, пӧзік узы, культураны, театр искусствозын, музыканы, библиотека киреен хайраллирына паза тилідеріне пос хозымын иткені ӱчӱн:
– Культура – пістің ӧӧн ис-пайыбыстың пірсі. Піс республиканы Россия паза чоннар аразындағы синде турыстығ кӧзітчеткен чиит таланттарның, артисттернің, музыканттарның, режиссерларның, устарның чидіглерінең поғдархапчабыс.
Россия президенті чоохтапчатхан аарластарны, хайзыларын пӱӱн пістің оолларға тиріг тудынып арачылирға килісче, сірер тӧстепчезер.
Алғыс істенізіңер паза кізілерге чарых сыйлапчатханыңар ӱчӱн. Чайаачыңар успазын, чахсы чуртас сірерге паза сірернің сӧбірелеріңе!
Хакасия пазының алғыстастарына республиканың культура министрі Светлана Окольникова хозылған. Ол хада тоғынчатхан арғыстарзар кӱннің сай тӱзімніг тоғынчатхан, регионның культуразын тилідеріне паза аны Хакасия тастында сабландырарына улуғ хозым итчеткен ӱчӱн алғыс сӧстерінең айланған:
– Піс сірернең хада кӧп нациялығ республикабыста амыр паза истіг чуртас тӧстепчебіс, кізілерге ӧрініс ағылчабыс. Ол піcтің нацияны сабландырар кӧстегнең иділчеткен илбек тоғыс ӱчӱн улуғ алғызым читірчем. Иң хайхастығ чайаачы сағыстарыңны толдырарында кӧдіріліс поларын алғапчам.
Сом r-19.ru сайттаң
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 24 | 25 | 26 | 27 | 28 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
