Сағынған сағыстар толзын
27.03.2024
Хабарлар
Чапсых чорых. ВДНХ-да иртчеткен «Россия» чоннар аразындағы форум-кӧзідігнің 2 миллионынҷы аалҷызы Сойан-Сус ГЭС-та пол килген
Казань чуртағҷызы Марат Сабитов хонғаны Мариянаң хада пу кӱннерде Сойан-Сус гидроэлектростанциязында пол килген. Олар ГЭС-тың хырынҷа пас чӧргеннер, машиннай залда паза музейде полғаннар, станция хайди пӱдірілгенін, аның хазнаа хозымын паза кирексінізін піліп алғаннар. Сӧбірее пу олаңай нимес сыйых – Марат энергетика киреенде істенче паза ол хаҷанох хазнаның иң улуғ гидроэлектростанциязында пол килерге сағынған.
– Сойан-Суc ГЭС иң килкім гидростанция полчатханын искем, че хаҷан-да позыбыс мында пол парарынаңар сағынмаабыс таа. Аны істі-тастынаң кӧріп алғанда, уғаа хайхап парғабыс. Ол 60-70 чылларда пӱдірілген дее полза, анда кӧп наа технология паза оборудование турғызылых, – чоохтапча Марат Сабитов.
ГЭС прай Сибирьнің энергосистемазының тоғызын хайығда тутча. Аның гидротурбиналары Россияда иң кӱстіглер. Нинҷе-де чыл мының алнында станцияның плотиназында «Россия» сӧс пазылған. Хазнаның ады пазылған буквалар пӱӱнгі кӱнде тилекейде иң улуғ полчалар. Олар космостаң даа кӧрінче одырлар.
ГЭС-ча экскурсияа сертификатты, чолға билеттерні паза аалҷылар туразында ӱс кӱн чуртирын сӧбірее «Россия» кӧзідігнің устағ-пастаа, Россияның энергетика министерствозы паза РусГидро сыйлааннар.
Автор :
Тимнеен Оксана Сунчугашева
| Пн | Вт | Ср | Чт | Пт | Сб | Вс |
| 24 | 25 | 26 | 27 | 28 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
