«Россия чоннарының Ассамблеязы» чолабит читірче!
22.03.2024
Хабарлар
Аарлығ арғыстар!
«Россия чоннарының Ассамблеязы» тиксі Россиядағы халых-хазна пірігізі хакас чонның республикадағы Улуғлар чӧбінің алғыдылған чыылии араласчыларына чылығ чолабидін читірче!
Пӱӱн ӧӧн хайығда саблығ кізі, хайзының адын 2007 чылдаң сығара Хакас национальнай чир-суғ ӱгренҷең музей ал чӧрче – Леонид Романович Кызласов тӧрееннең пеер 100 чыл толчатханы. Сибирь чирінің саблығ оолғы, ол совет тузында хакастардаң тилекейдегі наука синіне кӧдіріліп алған. Аның ады наукадағыларға чахсы таныс. Пайрамнығ чылында аның наукаа хозым иткені кічіг чир-суунда таныхталған – Хакас национальнай чир-суғ ӱгренҷең музей хыринда саблығ ученайға хумартхы тас турғызылған. Хумартхы тас «хумартхылирға» сӧстең пӱткен, соондағы тӧллер ундубас паза поғдархир ӱчӱн!
Тилекей Леонид Романович Кызласовты пілче паза ундубинча, иң не пурун Сибирьнің, Ортын паза Центральнай Азияның тархынынҷа паза этнографиязынҷа улуғластығ специалистті чіли. Олох туста ученайның ӱлӱзінде тиксі хазнабыстың чаа тузындағы чуртазы кӧріндесте чіли кӧрінче: ол Ағбандағы 1№ ортымах школаны тоосхан паза 1941 чылда Томсктағы университеттің студенті полыбысхан, 1942 чылда Т-34 танктың механик-водительі специальнозын алған, 1943-1945 чылларда Илбек Ада чаа фронттарында чааласхан. Аар палығластар соонаң, кинек пол парып, гвардияның улуғ сержанты 1945 чылның сентябрьында студент орнынзар айланған. Майығыс пілбес кӧcтегліг істенізі сылтаанда Леонид Романович СССР-ның Хазна премиязының лауреады, Хакас Республиканың Н.Ф.Катановтың адынаң Хазна премиязының лауреады, Тува АССР-ның саблығ деятельі, Хакас Республика науказының саблығ деятельі, Россияның естественнай наукалар академиязының иң пӧзік синдегі араласчызы, Москвадағы хазна университедінің саблығ профессоры полыбысхан.
Л.Р. Кызласовха чарыдылған пайрамнығ чылда аймах-пасха мероприятиелер иртірері кӧріл парған: класс частары, чоннар аразындағы конференциялар, книгалар сығарызы, Хакас Республиканың иң пӧзік орнынзар – тағзар, хайзына 2016 чылда аның ады пирілген – экспедиция. Ӧӧні – аның наукадағы ис-пайын хайраллап халары паза чиит улусха читірері, ӱгренҷілерні ученайның чуртас чолынаң таныстырары, кічіг чир-сууның ыраххы тузын оңарып, олар амғы тусты аарлирға паза хайраллирға, аның таңдағызына кӱс пирерге ӱгреніп алар ӱчӱн!
Автор :
А.В.Даркович, «Россия чоннарының Ассамблеязы» ОГО-ның ӧӧн директоры, Россия Матыры
| Пн | Вт | Ср | Чт | Пт | Сб | Вс |
| 24 | 25 | 26 | 27 | 28 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
