Хайдағ орыннар иптелер?
22.03.2024
Хабарлар
Нацпроект. 30 апрельге теере иптир объекттер ӱчӱн онлайн-ӱн пиріс иртче
Хакасияның 30 муң азыра чуртағҷызы ӱн пирістің пастағы кӱннерінде араласхан. Ол «Чурт паза город оңдайлары» нацпроекттің «Городта истіг оңдайлар тӧстирі» хазна проекті хоостыра иртірілче. Пӱӱл 18 муниципальнай пӱдістің 95 проекті ӱн пирісте араласча.
Муниципалитеттер, чуртағҷыларның кӧрістерін санға алып, иптир орыннарны рейтинг талластыриина сығарчалар. 14 час толдыр салған полған на кізі ӱн пирісте аралас полар. «Чурт паза город оңдайлары» нацпроект хоостыра Хакасияда 349 объект иптел парған.
– Нааҷылир орыннарны таллирынҷа тиксі Россиядағы онлайн-ӱн пиріс тӧртінҷі хати иртірілче. Анда хайди даа аралазарға киректеңер пілінчеткен кізілер саны чылдаң чылға ӧсче. Пӱӱл чуртағҷыларның, ӱн пирерінең пасха, ідӧк город тилізінҷе чӧптер пир полар оңдайлары пар. Волонтёрлар ӧткін полысчалар, – теен Хакасияның пӱдіріг паза чурт-коммунальнай хоных министрі тоғызын толдырчатхан Валерий Келин.
«Хазна полызығлары. Хада пӧкчебіс» нандыра палғалыс платформазы полызиинаң za.gorodsreda.ru страницада алай хабасчатхан волонтёрларның приложениелерінде ӱн пирібізерге чарир.
Ирткен чылда «Городта истіг оңдайлар тӧстирі» хазна проекті полызиинаң Хакасияда кӧп чон чӧрчеткен 58 орын нааҷылалған. Пӱӱл 60 орын иптелерге кирек.
Автор :
Элеонора Тодинова
| Пн | Вт | Ср | Чт | Пт | Сб | Вс |
| 24 | 25 | 26 | 27 | 28 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
