Пандус – СВО араласчызына
19.03.2024
Хабарлар

Хабазығ. Пістіңнер Луганск Чон Республиказындағы (ЛНР) чуртағҷыларға полысчалар
Хакасиядағы специалисттер наа региондағы Свердловск городтың Буханько орамазындағы 1 № турада тимір пандус пӱдір салғаннар. Ол турада ӧнетін чаа операциязы (СВО) араласчызы Сергей Чернов чуртапча. Ол, палығлат салып, позы чӧр полбинча, аннаңар іҷезінің полызиин кирексіпче.
Луганск Чон Республиказынаң алында иділген чӧптезіг сылтаанда кинекке чуртапчатхан чирінде коляскалығ ікінҷі хадылынзар сых чӧрҷең пандус тимнирінҷе сурығ пӧгіл парған.
– Піс чааҷыларыбысха полыс пирерге сағынчабыс, аннаңар пу тоғысты пастабысхабыс. Пандусты ит салғабыс, че ам анҷа кізее коляскалығ сых чӧрерге оой ползын тіп, специалисттернең сурығны аннаң андар пӧкчебіс. Автоматикалығ лебёдка турғызарбыс, неке, – чоохтаан Хакасия пазының чӧпчізі Сергей Комаров.
Че пандус иділ тее парған полза, сурығ читіре пӧгілгелек. Хакасиядағы специалисттер ол кӧстегҷе тоғысты узаратчалар. Олар пу пӧгінні тӱзімніг толдырарға кӱстенчелер.
Сом ЛНР-ның Свердловсктағы муниципальнай округы устағ-пастаа сайтынаң
Автор :
Тимнеен Инора Боргоякова
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 1 | 2 |
Кӱн таңмазы
Хакасияда
Россияда
Тилекейде