Республиканың аал хонии чырғалына - 10 чыл
02.03.2024
Хабарлар
![Республиканың аал хонии чырғалына - 10 чыл Республиканың аал хонии чырғалына - 10 чыл](/upload/iblock/e87/wc7a69whyqjldi78alev6mrw2pmjw9p3.jpg)
Пӱӱн республиканың аал хонии чырғалы 10 чылын таныхтаан. Республика чуртағӌылары паза аалӌылары хынығ концерт кöрiп алғаннар. Iдöк аал хонии ярмарказы тоғынған, хайзында чир-тамаа, тоң чистектер, мööт паза пасха даа ас-тамах садылған.
Хакасия пазы Валентин Коновалов чырғал тоғынӌыларын, идiнӌектернi, пайрамға килген чонны алғыстаан паза чырғалның тузазын таныхтаан:
- Пiстiң чырғалның пайрамнығ чылынаң алғыстапчам! Республика чуртағӌылары, аалӌылары чырғалзар чахсы ас-тамах соонӌа килчелер. Аал хонии чырғалы орындағы фермерлерге паза ас-тамах сығарызынаң айғасчатханнарға тилирге полысча.10 чыл аразына республиканың чырғалы Хакасияның экономиказында паза аал хониинда турыстығ орында турыбысхан. Аал хонии ас-тамаан сығарчатханнар пӱӱнгi кӱнге прай кирексiнiстерге нандырчатхан садығ орнын таап алғаннар. Пiс чырғалны мыннаң мындар тилiдерге узарадарбыс.
![](/news/IMG-20240302-WA0021.jpg)
Анаң Хакасия пазы республиканың аал хонии чырғалында прай 10 чыл тоғын салған тоғынӌыларға паза идiнӌектерге алғыстас пiчiктерiн читiрген.
Пайрамда iдöк республиканың аал хонии паза ас-тамах министрi Сергей Труфанов, аал хонии чырғалының ööн директоры Александр Векшин араласханнар.
Сомнар Дмитрий Сунчугашевти
Автор :
Оксана Челтыгмашева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 31 | 1 | 2 | 3 | 4 |
Кӱн таңмазы
Хакасияда
Россияда
Тилекейде