Сидіксіністерні пӧгерінҷе тоғыс апарылча
09.02.2024
Хабарлар
Азых чоохтазығ. «Хакасия» искіріглер агентствозы Хакасия пазы Валентин Коноваловнаң хада республиканың пӱӱнгі чуртазынаңар чоохтазып алған. Хабарҷы республика пазына чонны иң не сағыссыратчатхан сурығларны пирген, ол санда чирібісте анылған хара тастың ӱлӱзінеңер паза разрезтердең регион бюджедіне чыылчатхан налог паза налог нимес парыстарынаңар
«Сидіксіністер тимір чолның таарлағны иртірҷең оңдайларынаң на палғалыстығ нимес. Сидіксініс ідӧк паанаң, хай пірее санкцияларнаң палғалыстығ полған. Кӧзідімге, піс Ӧӧркі Чӧпнең, Сергей Михайлович Соколнаң хада-пірге хара тасты сығарар синні хозарынҷа, хара тасха пошлиналарны хыйа идерінҷе тоғынғабыс, оларны хыйа иттiріп алғабыс. Я, пӧгін турғысхан квоталарны толдыразынаң ал полбаабыс, че андағ даа полза, піске 7 % пиргеннер, пасха регионнарнаң тиңнестірзе, чӧптезігҷе тоғынчатхан регионнар аразында ол иң пӧзік ӧзіс. Ағаа хоза чӧптезіглер прайзының нимес пар – хол салылған піснең хада, Туванаң, Кемеровонаң паза Бурятиянаң. Ол ідӧк алынҷа чидіг.
Пу чылға піске 6,5 миллион тонна кӧріл парған. Пілдістіг, піс аннаң кӧп хынчабыс, піс аннаң кӧп полар ӱчӱн тоғысты узарадарбыс. Че ол даа гарантиялығ син хайдағ-да тӱзімні пирче.
Предприятиелер пілчелер, Іскеркі саринзар хайдағ син оларға килізер –пӱӱнгі кӱнде анда хара тасты садып аларынҷа оңдайлар пар – ідӧк пу чылға тоғыстарын эксцесстер чох кӧр поларлар. Че піс ол тоғысты, ікінҷілес чох, узаратчабыс.
Пілдістіг, ол бюджетке сидіксіністер ағылча, піс пілчебіс, хара тас, алюминий кӧстеглерінің парызы нинҷе тӧбін, ол синге тӧбін полар парысха налог. Піс анзын ирткен чылда кӧргебіс. Че, хомзынысха, мында прай ниме Хакасиянаң даа, Россиянаң даа палғалыстығ нимес. Алюминий паза хара тас ол чоннар аразындағы биржада садылчатхан ниме-ноо, паалар «ойлап чӧрчелер». Ағаа хоза чоннар аразындағы экономика политиказы андағох хатығ. Че мин пілчем, піс толдырығлығ паза закон сығарҷаң ӱлгӱлернің пірге кӱстенізінең паза федеральнай кін хабазиинаң тобырып аларбыс!»
Чахсаа ізеніс хаҷан даа поларға кирек. Ӱлгӱнің, пос киреенең айғасчатханнарның, чонның. Олох туста сын киректерні орта паалап турарынаңар ундутпасха кирек.
«Че хурларны тартынарға килізер. Пӱӱн мин пістің хорадығларҷа, ӧӧн кӧстеглерні таныхтап, іле пӧгіннер турғысчам. Пілдістіг, піс бюджеттегілер – имҷілер, ӱгретчілер – чал ахчазын тузында аларына прай ниме идербіс. Чуртастың сидік оңдайларына кір парған чуртағҷыларға кӧрілген социальнай гарантияларны, хайзын республика позына алып алған, тузында тӧлелер ӱчӱн. Паза ідӧк пілдістіг, чуртас оңдайларынаң палғалыстың прай хорадығларны.
Мындағ оңдайларда нинҷе тус піске чуртирға килізер? Піс экономика тилізінҷе тоғынчабыс, че харатсчыларнаң, алюминийдегілернең палғалыс халча. Аннаңар посха ізенчебіс, че пу ікі кӧстегҷе улуғ тоғысты – ниме піснең палғалыстығ – апарчабыс. Ідӧк федеральнай кіннең хоза полызығҷа тоғынчабыс».
Хакасия пазы Валентин Коновалов ідӧк Сергей Соколнаң паза республика правительствозы Ӧӧркі Чӧпнең хада хайди тоғынчатханына, Россияда Сӧбіре чылы чарлалғаннаңар республикада хайдағ тоғыс апарыларынаңар паза маллар аразында узелковай дерматит тарапчатханын тохтадарынҷа хайдағ тоғыс апарылчатханынаңар чоохтаан. Толдыра чоохтазығны пу чолҷа иртіп кӧріп, хығырып аларға чарир: https://19rusinfo.ru/proekty/khakasiya-v-litsakh/61512-valentin-konovalov-dusha-bolit-za-rodinu-za-khakasiyu.
Сом "Хакасия" ИА сайтынаң
Автор :
Тимнеен Наталья Сюптерекова
| Пн | Вт | Ср | Чт | Пт | Сб | Вс |
| 31 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 1 | 2 | 3 | 4 |
Кӱн таңмазы
Хакасияда
Россияда
Тилекейде
