Вакцина турғызылча
07.02.2024
Хабарлар
Аал хонии. Азығ айының 5-ҷi кӱнiне Хакасияда узелковай дерматит мал ағырии тарапчатхан тӧрт орын паза ағырығ сығысхан 32 орын халча
Ол орыннар: Боград аймаандағы Пӧзiк хас аал чӧбiнде пiр орында, пiр хоныхта; Алтай аймаандағы Хубачар аал чӧбiнде пiр орында, пiр хоныхта; Ағбан пилтiрi аймаандағы Солнечнай аал чӧбiнде пiр орында, пiр хоныхта; Асхыс аймаандағы Асхыс аалда пiр орында, 29 хоныхта. Ағырығ сығысхан Боград, Чоғархы Чорба, Знаменка аалларда паза оларны ибiре орныхчатхан кресен-фермер хоныхтарында, Ағбан пилтiрi аймаандағы Тазоба пилтiрi аалда паза Алтай аймаандағы Хубачар аалда, Ызых посёлокта ағырығны тараттырбазынҷа прай тоғыстар толдырыл парғаннар, ибдегi малларға вакцина турғызыл парған паза маллар турған орыннарда дезинфекция ӱзер хати иртiрiл парған.
Ағбан пилтiрi аймаандағы Московскай, Пiҷi пазы паза Сапогов аал чӧптерiнiң чирлерiнде орныхчатхан кресен-фермер хоныхтарының мал турған орыннарының 65840 квадрат метрiнде дезинфекция иртiрiлген.
2023 чылның чарыс айының 11-ҷi кӱнiнде сыххан «Хакас Республикада сағыбаан саай режимiн кирердеңер» Хакас Республика правительствозы чарадиин толдырар пӧгiннең, Асхыс аалда ағырығны хаптырып алған маллар чох идiлгеннер. Ағырығ тарабас ӱчӱн, Асхыс аймаандағы ибдегi малларға вакцина турғызылча. Азығ айының 5-ҷi кӱнiне 16068 пас iнек малға паза 37689 пас ӧскее паза хойға узелковай дерматиттең тоғыр вакцина турғызыл парған. 12174 пас малға паза 19715 пас хойға паза ӧскее вакцина хатап турғызылған.
Хакасияның хазна ветеринар службазы ветеринар кирексiнiстерi хоостыра узелковай дерматит ағырығны чох идер, карантиннi суурар паза ағырығны таратпазынҷа профилактика, аны iлезiне сығарар прай тоғысты толдырча.
Сом аал хонии министерствозы сайтынаң
Автор :
Алексей Баинов
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
