6 миллионынҷы кӧрігҷі табылды!
05.02.2024
Хабарлар
Пу наада "Россия" кӧзідіг тоғынып пастаанынаң ӱс ай пазынаң 6 миллионынҷы кӧрігҷіні удурлады! Аннаңар искірілче "Россия" чоннар аразындағы форум-кӧзідігнің телеграмдағы каналында.
Часкалығ сан Дмитрий Ершовтың сӧбірезіне киліскен, ол кӧзідіге хада хонғаны Иринанаң, 11 частығ оолғы Егорнаң паза 6 частығ хызыҷаа Лизанаң хада килген. Ершовтар Москвада чуртапчалар, пеер олар Хакасиядаң кӧскеннер. Дмитрийнің паза аның сӧбірезі сылтаанда кӧзідіг ікі танығлығ киректі таныхтады.
– Пӱӱн пістің хайхастығ кӱн – азығ айының 4-ҷі кӱнінде "Россия" кӧзідіге ӱс ай толча, че пістің паза пір ӧріністіг хабар пар –алты миллион кӧрігҷі! Прай аалҷыларыбысха улуғ алғыс, — аалҷыларны удурлаан "Россия" кӧзідігнің устағҷызы Наталья Виртуозова.
Дмитрий Ершов паза аның сӧбірезі кӧзідіг устағ-пастаанаң паза Ямало-Ненецкай автономнай округ устағ-пастаанаң сыйыхха Север чоннарының ӧӧн ӱлӱкӱні Киик ӧскірчеткеннер кӱніне Салехардсар чорых алған. Анда сӧбірені алғым программа сағыпча: Арктиканың сіліг чирі, кӧлілген кииктер чарызы, орындағы чоннар ас-тамаа. Полярнай хурчағны тобырҷаң кибірні иртерлер паза полярниктернің ады пазылған сертификатты ал поларлар.
– Хаҷан-да Киик ӧскірчеткеннер кӱні профессия ӱлӱкӱніне саналҷаң, хаҷан кӧс чӧрчеткен чон хысхы салтарларын итчең, амды, тізең, ол Ямал чирінің амғы чуртазынаң таныстырчатхан фестиваль, – чоохтаан Ямало-Ненецкай автономнай округтың губернатор орынҷызы Татьяна Бучкова.
Ершовтар "Россия" кӧзідігні пӧзік паалааннар паза ағаа тың чапсааннар.
– Усанабас паза пасхаҷыл. Чылығ удурлаан ӱчӱн алғыс ползын, уламох чапсых – наа регионзар чорыхты утып алғаныбыс, – таныхтаан Дмитрий Ершов.
– Пу кöзідігде полғаны даа чапсых – прай ниме сіліг паза чахсы сағынылған. Кӧзідіг иртірчеткеннерге улуғ алғыс ползын, — хосхан ипчізі Ирина.
Автор :
Тимнеен Наталья Сюптерекова
| Пн | Вт | Ср | Чт | Пт | Сб | Вс |
| 24 | 25 | 26 | 27 | 28 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
