Соох апсах маңзырапча
24.01.2024
Статья
Наа чыл ойыннары "Дашенька" олған садында
Ӱлӱкӱн
Хайди Наа чыл нымах чох полҷаң? Ағбандағы «Дашенька» олған садында улуғ группадағы палаҷахтарға Наа чылға чарыдылған ӱлӱкӱнде «Морозко» ойын турғызылған. Олғаннар ол нымахтағы хайхастарға паза матырларға уғаа хынчалар. Пу кӱнде малхадаачы Марфушаны паза абахай Настяны пос хараанаң кӧргеннер. Соох апсах, тiзең, прайзын ойыннарнаң паза хайхастарнаң чапсытхан. Нымахтағы матырлар ирiнерге пiрдеезiне пирбееннер. Олғаннар оларнаң хада, сыбыҷах ибiре чӧрiп, сарнааннар, ойнааннар паза, кибелiстер чоохтап, теелбек салғаннар. Соох апсахты олғаннарның хакас кибелiстернi тыыда паза матлама чоохтааны чапсытхан паза хайхатхан.
Iдӧк палаҷахтарзар Хар кiзi кил парған. Ол, хомзынысха, пурнын чiдiр салған. Чiт парған моркопты олғаннар прайзы даа таап аларға кӱстенгеннер. Пасхазы даа, пӱӱр паза тӱлгӱ, аны тiлееннер, че Хар кiзее Наа чылның иң ӧӧн кiзiзi – Cоох апсах – полыс пирген.
Иркеҷектер наа чыл ойыннарында паза марығларында хынып араласханнар, анаң чапсых теелбек салғаннар, кӧрiгҷiлернi ӧрiндiргеннер. Ӱлӱкӱн уғаа хынығ паза чапсых ирт парған!
Сынап таа, палаларға часка сыйлирға паза читiрерге кирек! Хаҷан иркеҷектер часкалығлар, андада iҷе-пабалар даа часкалығ полчалар. Прай чир ӱстӱ сiлiгнең паза хайхастарнаң тол парча.
Тимнееннер Сарима Тюренева, Лариса Миягашева
Сом «Дашенька» олған садыни
| Пн | Вт | Ср | Чт | Пт | Сб | Вс |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
