Асхыста – чуғынҷах мал ағырии
17.01.2024
Хабарлар

Чыылығ тузында
Аал хонии. Кӱрген айының 15-ҷі кӱнінде Хакасия правительствозында тӧстелген мал ағыриинаң тоғыр комиссияның чыылии ирткен
Асхыс аалда узелковай дерматит мал ағырии сығысхан сылтаанда, мындағ чыылығ иртірер кирексініс полған. Чуғынҷах мал ағырии пос хониинда табылған. Анда 100 пас мал саналча.
Комиссия чарадиинаң азығ айының 29-ҷы кӱніне теере Асхыс аймаанда сағыбаан саай режимі кирілген. Ағырығ сығысхан орыннаң 10 километрге теере оортах чирлерде полған на тӱнӱк сыныхталар, прай ибдегі маллар санға алыларлар. Карантин суурылғанҷа 20 километрге теере оортах чирлерде малларны хадарарға чарадылбинча.
Чоннаң тоғазығларда паза электроннай СМИ-лар, газеталар пастыра ағырыға чуға малларны, итті паза сӱтті садарға, сығара тартарға чарадылбинчатханнаңар искірілер. Малларнаң палғалыстығ аал хонии ярмаркаларын, кӧзідіглерін иртірерге чарадылбинча.
Россияның аал хонии сыныхтаа устанызына Хакас Республикаҷа МВД-зынаң хада ағырығ сығысхан орынзар парчатхан чолларда хараа-кӱнӧрте тоғынчатхан сыныхтап иртірҷең пункттар тӧстирге. Оларда ідӧк дезинфекция иртірҷең пӱдіріглер, шлагбаумнар паза сығара тартарға чарадылбинчатхан ас-тамах чығҷаң контейнерлер поларлар. Ідӧк чох иділген паза узелковай дерматиттең ӧлген малларны ӧртиріне орын тимнел парар.
Сом авторни
Автор :
Алексей Баинов
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 1 | 2 |
Кӱн таңмазы
Хакасияда
Россияда
Тилекейде