Хакасиязар тоғысчы чорығынаң Россияның чир-чайаан ис-пайы паза экология министрi Александр Козлов килген
07.12.2023
Хабарлар
"Александр Александровичнең хада республикаӌа ööн федеральнай инспектор, Россияның чир-чайаан ис-пайы паза экология министерствозының, Росприроднадзорның, пасха федеральнай ведомстволарның, региондағы толдырығлығ паза закон сығарӌаң ӱлгӱлернiң кiзiлерi араласханынаң нинӌе-де чыылығ иртiргебiс.
Хакасия правительствозының пiс тимнеен Тилiс стратегиязы хоостыра экологияны хайраллирынӌа тоғызының салтарларын ӱзӱргебiс, сöп-сап реформазын чуртасха кирӌең, чир алтындағы ис-пайны аныӌаң, киизер кiзi хазиина ӱрег ағылчатхан пуртах ниме-ноо тасталчатханын хызырар сурығларны кöрiбiскебiс.
2019 чылға теере республикада экология сурығларына асхынах хайығ салылған. Мин устапчатхан правительство пастағы кӱстенiстер иткен: кии пуртахталчатханы хоостыра прогноз итчең схеманы тöстеен, кии хайдағ оңдайда полчатханын сыныхтаӌаң системаны кирген, песнең одынчатхан тураларны чарытхынаң чылынарына кирерiнӌе паза ысталбинчатхан хара таснаң тузаланарынӌа проекттернi пастаан. Пiс хара таснаң одынып тоғынчатхан котельнайларны кöместең хызырчабыс.
Федеральнай кiннең тоғынған сылтаанда 2023 чылның сентябрьынаң Ағбан паза Харатас "Арығ кии" проектсер кiрiп алғаннар. Iдöк пiс чарытхы сетьтерiн нааӌылирына паза чарытхынаң чылынарына кiрчеткен чуртағӌыларға хабазарына федеральнай бюджеттең ахча позыдарын андар кирерге чöпнең айланғабыс. Россияның чир-чайаан ис-пайы паза экология министерствозы пiстiң пастаға хабасхан.
Александр Александровичке пiрге тоғызыбысты тӱзiмнiг иткенi, Хакасияның чуртазын экология саринаң чахсыландырарына теелчеткен сурығларны пöгерiне хабасчатханы ӱчӱн алғызым читiрчем", - пас салған Хакасия пазы Валентин Коновалов телеграм-каналында.
Сомнар Валентин Коноваловтың ВКонтакте страницазынаң
Автор :
Тимнеен Альберт Толмашов
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
