Тыхтағ тоғыстары апарылча
19.11.2023
Хабарлар
Хакасия пазы Валентин Коноваловтың искіриинең, улуғ чил сылтаанда сайбал парған чарытхы сетьтерінде тыхтағ тоғыстары апарылча.
Чоохтирға кирек, улуғ чил пістің не республикада нимес, тиксі Сибирьнің регионнарында кöдірілче. Аның сылтаанда Орджоникидзе, Асхыс паза Боград аймахтарының посёлок-аалларында чарытхы ус парған.
Сайбағлар ідöк Харатастың паза Ағбан пилтірі аймааның чарытхы пирӌең пӱдіріглерінде таныхталча.
Специалисттер нинӌе-де час пазынаң чарытхыны хоза схемаӌа читірерін нааӌылирға пöгінчелер.
Дежурстводағы бригадалар сайбалған орыннарны, ілезіне сығарып, саай-нааӌылағ тоғыстарын толдырчалар. Энергетиктер тураларзар чарытхы читірерін чапчаң нааӌылир ӱчӱн прай кӱстерін салчалар.
– Аарлығ чуртағӌылар! Сурынчам, амыр тудынарға, ӱрӱкпеске паза сизіктіг поларға. Чарытхы усханнаңар паза саай орыннарынаңар искірерге чарир пу телефонӌа: 8 (800) 220-0-220, - таныхтапча искіриинде республика пазы.
Ідöк Хакасия пазының страницазындағы искіріг алтында чарыдығларда айланысты артызарға чарир:
Сом Валентин Коноваловтың искіриинең алылған
Автор :
Тимнеен Наталья Сюптерекова
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
