Законнаң кӧрiлген
15.11.2023
Хабарлар
Хазна хабазии. Хакасияда СВО араласчыларының хоза социальнай полызығ алар праволары пар
«Ӧнетiн чаа операциязын иртiрерiнең палғалыстығ чааҷы службазын толдырчатхан (толдырған) Россия Федерациязының кiзiлерiне хоза социальнай полызығ пирердеңер» 12-ЗРХ № закон Хакасияның Ӧӧркi Чӧбiнең 25 январьда 2023 чылда алыл парған. Пӱӱл ол полызыға республика бюджедiнде 70 миллион салковай кӧрiл парған.
Закон хоостыра ӧнетiн чаа операциязы араласчыларына республикада мындағ хоза полызығлар пирiлчелер:
1) коммунальнай полызығлар ӱчӱн тӧлир хорадығларға компенсация синi 50%;
2) кӧп квартиралығ турадағы тиксi тыхтаға взностар тӧлир хорадығларға компенсация синi 50%;
3) пестiг турада чуртапчатса, одың-хара тас садызарына ахчалығ тӧлег синi 8000 салковай.
Законнаң кӧрiлген хоза социальнай полызығларға праволығ полчалар Хакасияда чуртапчатхан кiзiлер:
1) Россияның Тирiглiг кӱстерiнзер мобилизацияҷа чааҷы службазына хығыртылған паза аны иртчеткен (ирткен) кiзiлер;
2) Россияның Тирiглiг кӱстерiнде контрактча чааҷы службазын иртчеткен (ирткен) кiзiлер алай Россияның национальнай гвардия войсколарында чааҷы службазында полчатхан (полған) кiзiлер, олар ӧнетiн чаа операциязында араласхан ползалар;
3) СВО иртiрерiнең палғалыстығ Россияның Тирiглiг кӱстерiне салылған пӧгiннернi толдырарына пос кӧңнiнең хабазардаңар контракт идiп алған кiзiлер.
Регионда кӧрiлген полызығларны аларға сурыныс пiчиинең чуртапчатхан орындағы чонға социальнай полызығ пирҷең устаныссар айланарға кирек.
Таныхтапчабыс, ӧнетiн чаа операциязының араласчызы хайдағ-да сылтағларҷа социальнай полызығ аларға позы айлан полбинчатса, ағаа хоза хабазығ иртiрер праволығ ӧнетiн чаа операциязы араласчызының сӧбiрезiндегi кiзiлернiң пiрсi полар. Андағ кiзi полар СВО араласчызының ипчiзi (ирi) алай паба-iҷезi.
Ағаа хоза, Хакасияда СВО араласчыларының Харатастағы Лебедьтiң адынаң хазыхтандырҷаң социальнай кiнде полызығларны тикке алар праволары пар. СВО араласчыларының палаларына город тастындағы, школалардағы лагерьлерзер путевкалар тикке пирiлче, паба-iҷелерiне – иблерiнде тикке социальнай хабазығлар.
Iдӧк ӧнетiн чаа операциязы араласчылары паза оларның сӧбiрелерiнiң кiзiлерi психология полызиин тикке iзiг линия телефонынҷа ал поларлар: 8-800-250-44-25.
Толдыразынаң: https://r-19.ru/documents/9172/141644.html.
Сом Интернеттең алылған
Автор :
Оксана Мерзликина
| Пн | Вт | Ср | Чт | Пт | Сб | Вс |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
