Ниме-ноо сығарызын тилідеріне – алынҷа хайығ
03.11.2023
Хабарлар
Чыылығ. Хакасия пазы Валентин Коновалов Россияның безопасность чӧбінің чыылиинда араласхан
Ол Томскта ирткен. Аны Россия Совбезінің хачызы Николай Патрушев паза Россия президентінің Сибирьдегі федеральнай округтағы полномочиеліг кізізі Анатолий Серышев иртіргеннер. Ӧӧн сурығ – Сибирьдегі субъекттернің технологиялығ суверенитедін тыытчаң оңдайлар.
«Россияда 1990 чылларда ирткен реформалар чӱзерлеп наука институттары, онарлап муң производстволар чабылғанына ағылған – кӧнізiнең чоохтаза, кидеркі хазналар пістің Чир-суубысты экономика саринаң пазыға киріп алғаннар. Нинҷе-нинҷе чыл хазнаның істіндегі рыногында хырығ озаринаң алылған товарлар паза технологиялар хайынчалар.
Пӱӱн пілдістіг: Россия кӱстіг паза палғалыстығ нимес хазна поларға сағынчатса, пос науказын, пос промышленнозын тилідерге кирек. Совбез чыылиинда хазна істінде тиліс пиреріне паза санкциялығ чаада чиңіс тударына, Сибирьдегі регионнар наукадағы, техникадағы паза промышленностьтағы кӱзінең хайди тузаланарға киректелчеткені ӱзӱрілген.
Хакасия правительствозы ол сурығларға алынҷа хайығ салча. Пис чыл аразына піс кічіг паза ортын пос киреене, орындағы производстволарға, ол санда аал хонииның, ниме-ноо паза паза ас-тамах сығарчатхан промышленностьтың, хабазығны пілдірте ӧскірібіскебіс. Республикада инвестиция проекттері чуртасха ӧткін кирілчелер, олар чағынғы чылларда муңарлап тоғысчы орыннарын тӧстирге оңдай пирерлер.
2021 чылда Хакасия правительствозы паза Хызылчар крайының, Туваның толдырығлығ ӱлгӱлері пастаа хоостыра «Кимдегі Сибирь» наука-ӱгредігліг кін (НОЦ) тӧстелген. Аның тоғызы макрорегионны чуртас, экология паза экономика саринаң тилідеріне кӧстелген. Пістің республикадаң НОЦ араласчызы Н.Ф.Катановтың адынаң ХГУ полыбысхан.
Экономикабысты ізестіг, пістің хынған Хакасиябысты, Сибирьні паза тӧреен хазнабысты технологиялар саринаң палғалыстығ полбас ит саларына пістің прай кӱзібіс пар», – пас салған Хакасия пазы Валентин Коновалов телеграм-каналында.
Автор :
Тимнеен Иван Тинников
| Пн | Вт | Ср | Чт | Пт | Сб | Вс |
| 25 | 26 | 27 | 28 | 29 | 30 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде
