Моногородтарға – алынҷа хайығ
03.11.2023
Хабарлар

Экономика. Хакасияның экономика тилізі министерствозы «Абаза» алнынҷа тиліпчеткен чуртас-экономикалығ орынның (ТОСЭР-ның) кӧзідіглерін синдірерінҷе тоғыс апарча
Хакасияның экономика тилізі министерствозы кізілері «Россия регионнарында паза городтарында стратегия планын тимнирінеңер» тиксі Россиядағы ХХІ форумда «Стратегия тоғыстарының кіні» чыынды хығыртиинҷа «Моногородтарның аар чуртас-экономика ӱлӱзі: кризистең сыхчаң оңдайлар» стратегия сессиязында пол килгеннер.
– Пӱӱнгі кӱнде Хакасияда алты моногород саналча, оларның чуртас-экономика оңдайлары пасхалалча. Полғаны ла позына алынҷа хайығны киректепче. Сессия тузында піс Хакасияның моногородтарының, ол санда «Абаза» ТОСЭР-ның, амғы чуртас-экономика оңдайларын ӱзӱргебіс. Піс моногородтарның идінҷектеріне ВЭБ.РФ-тың банк гарантияларын аларынҷа кирексіністерні тӱзедеріне, городтың ӧӧн предприятиезіне сығарысты нааҷылирына, тиріглер садызарына паза социальнай кирексіністерні толдырарына тӧбін ставкалығ кредитті алар оңдайны ӱзӱрерінҷе чӧптернең сыххабыс, – таныхтаан Хакасияның экономика тилізі министрінің орынҷы тоғызын толдырчатхан Людмила Халтанова.
Хакасия правительствозы «Абаза» алнынҷа тиліпчеткен чуртас-экономикалығ орынны тӧстирдеңер» Россия правительствозының чарадиина (2017 чылның от айының 27-ҷі кӱнінде алылған) алызығлар кирерге айланызын ызыбысхан. Чоох парча капиталны хайди даа толдырар ахча синін 5 миллион салковайдаң 2,5 миллион салковайға теере тӱзірердеңер паза наа тӧстелер тоғыс орыннарын 20-дең 10-ға теере хызырардаңар. Ол айланыс ӱзӱрілче.
Сессияның салтарлары паза субъекттернің чӧптері мыннаң мындар тоғысха алылар паза программаларға кирілер пӧгіннең Россияның экономика тилізі министерствозына ызылар.
Сом интернеттең
Автор :
Юлия Шушакова
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 1 | 2 |
Кӱн таңмазы
Хакасияда
Россияда
Тилекейде