Ағырығ малларның 98% чох идiлген
29.10.2023
Хабарлар
Аал хонии министерствозы искiриинең, Боград аалда ағырығ малларны чох идерiнӌе тоғыс узарадылча.
Киӌее Боградта Хакасия пазы орынӌызы Юрий Курлаевтiң устаанынаң оперативнай штаб ирткен.
- Боград аймаанда маллар узелковай дерматит чуғынӌах ағырығнаң ағырыбысханнары сылтаанда, сағыбаан режимi узарадылча паза карантин кирiлген. Ағырығ сығысхан орында малларны чох идерiнӌе прай службаларның тоғыстарының салтарлары искiрiлген.
Хакасия правительствозы чох идiлген маллар, хойлар, öскiлер паза сосхалар ӱчӱн компенсацияларны тöлир ӱчӱн бюджеттең ахча позыдыбысхан. Ағырығ малның 98% чох идiлген. Че хай пiрее чуртағӌылар ағырығ малларын паза сосхаларын пирбинчелер, мындағ оңдайнаң ағырығ тарирына хорғыс ағылчалар. Аннаңар оперативнай штабта, 1993 чылның 14 май айында сыххан "Ветеринариядаңар" хазна законы хоостыра, ағырығ малларны ээзi чарадии чох хоныхтардаң алардаңар чарадығ алылған.
Ағырығ сығысхан орынны арығлабызарынӌа профилактика тоғызын табырах тоос салар ӱчӱн, прай ағырығ маллар чох идiлче, - пас салған тelegram-каналында Юрий Курлаев.
Сом аал хонии министерствозы сайтынаң
Автор :
Тимнеен Оксана Челтыгмашева
| Пн | Вт | Ср | Чт | Пт | Сб | Вс |
| 24 | 25 | 26 | 27 | 28 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
