Тоғыстарны тузында толдырарға
18.10.2023
Хабарлар

Республиканың министерство-ведомство кізілері нацпроекттернің чуртасха кирілчеткенінеңер искіргеннер
Нацпроекттер. Хакасияда нацпроекттернің чуртасха кирілчеткені ӱзӱрілді паза 2023 чылның тоғыс айының салтарлары иділді
Пу сурығларға чарыдылған чыылығ Хакасия пазы орынҷызының тоғызын толдырчатхан Юлия Исмагилованың устаанынаң ирткен. Ідӧк чыылығда прокуратура, федеральнай казначейство устанызының, республика правительствозының кізілері паза регионның проекттер офизінің устағҷызы араласханнар.
– Хорадығлар саринаң республика Сибирьдегі федеральнай округтың регионнары аразында пастағы пис орынға кірче, – чарытхан Юлия Исмагилова. – Пістің иң чахсы кӧзідіглер таныхталча: «Ӱгредіг», «Саннығ экономика», «Туризм» (1-ғы орын), «Экология» (2-ҷі орын) нацпроекттерҷе, «Чурт паза город ибіркізі» паза «Демография» нацпроекттерҷе – ӱзінҷі паза тӧртінҷі орыннарда.
Юлия Исмагилова сығысчатхан сидіксініcтердеңер правительстваа паза прокуратураа тузында искір турарға киректелчеткеніне хада тоғынчатхан арғыстарының хайиин айландырған. Сурығларны хада-пірге чапчаң пӧгерге чарир.
– Тиксі алза, министрлернің искіріглерінең, чыл тоозылғанҷа кӧрілген тоғыстар тузында толдырылар, – таныхтапча республика пазының орынҷызы. – Пістің регионға, аның чуртағҷыларына нацпроекттернің чуртасха кирілчеткені уғаа кирек. Піс чуртасха кирчеткен полған на нацпроект чонға, оларның чуртас синін чахсыландырарына иділче, піс оларны хайығ чох артыспасха кирекпіс.
Сом Хакасия пазы пресс-службазыни
Автор :
Тимнеен Наталья Сюптерекова
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 1 | 2 |
Кӱн таңмазы
Хакасияда
Россияда
Тилекейде