Анатолий Афанасьевич Кайлачаков ах чарыхтаң парыбысхан
18.10.2023
Хабарлар

Ӱр ағырған соонаң, 74-ҷі чазын апарчадып, Анатолий Афанасьевич Кайлачаков ах чарыхтаң парыбысханы хоостыра Хакас Республиканың Ӧӧркі Чӧбі аның туған-чағыннарына хада чобалчатханын читірче.
Чуртастаң чахсы кізі, ізестіг арғыс, пістің коллегабыс – Пии аймааның Депутаттар чӧбінің депутады – парыбысты.
Анатолий Афанасьевич істеніс чолын 1967 чылда Асхыс аймааның Молсовхозындағы 8 чыллығ школада ӱгретчі полып пастаан. 1974 чылда ӱгретчілер институдын тоозыбызып, тоғызын узаратхан, 1979 чылдаң партия тоғызынаң айғасхан.
Анатолий Афанасьевич Хакас Республиканың пастағы хығыртии Ӧӧркі Чӧбінің депутадына табылған, республика парламентінің президиумынзар кірген. Хазнаа паза республикаа оой нимес туста Хакасияның закон сығарҷаң органын тӧстирінде араласхан.
Ӧӧркі Чӧптің хазых хайраллирынҷа, физическай культураҷа, спортча паза социальнай политикаҷа комиссиязында полып, парламент тоғызының ӧӧн социальнай кӧстеглерінің закон сығарҷаң тӧстеглерін тимниріне улуғ хозым иткен.
Анатолий Афанасьевич пис чыл изере аймахтағы Депутаттар чӧбінің депутадына табылған, 2002-2007 чылларда Пии аймаа муниципальнай пӱдістің Депутаттар чӧбінің кнезі полып тоғынған. Ол хакас чонның республикадағы Улуғлар чӧбінзер кірген паза Пии аймааның улуғлар чӧбі кнезінің орынҷызы полған.
Ӧткін паза нандырығлығ, ізестіг арғыс полған. Ӧменең тоғынарында кирек сурығлар ӱчӱн турысчаң паза орта чарадығлар алҷаң. Пістің сағызыбыста ол андағ халар. Анатолий Афанасьевичке чарых хумартхылас.
Автор :
Хакас Республиканың Ӧӧркі Чӧбі
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 1 | 2 |
Кӱн таңмазы
Хакасияда
Россияда
Тилекейде