Хада тимнепчебіс
26.09.2023
Хабарлар
“Россия” чоннар аразындағы кöзідіг ВДНХ-да 2023 чылның кічіг хырлас айының 4-ӌi кӱнінең пасти 2024 чылның хосхар айының 12-ӌі кӱніне теере иртер. Полған на чуртағӌы кöзідігнің таңмазын пос регионына сағын табар оңдайлығ.
Пӱӱн “Россия” чоннар аразындағы кöзідіг-форумның сайтында: russia.ru - регионнарның ӱн пирері пасталча. “Хада тимнепчебіс” пöлікте таңманың пос кöрімін тимнирге чарир. Ікі неделя пазынаң регионда ӱн пирістің пастағы салтарлары иділер.
Кöзідіг-форумны иртірчеткеннер аның азыларына Россияның регионнарына кöңнілеріне кірген таңмаларны таллирға чöптирге чаратханнар. Кöзідіге тимненчетсе, регионнар чир-суғӌыларының кöңніне кірген иң чахсы таңмаларны тузалан поларлар.
Чоохтирға кирек, “Россия” кöзідігнің таңмазын алыстырӌаң алғым оңдайлар пирілче: аймах-пасха шрифттіг буквалар алылған.
Тиксі кöрімінде Россияның алты тархын тузы санға алылған: Владимир Ханның устааны, Илбек княжество, Орыс Хан турғаны, Орыс Империя, СССР паза Россия Федерациязы. Шрифт кöрімі алысханы хазнаның культуразы тилеенін кöзітче.
- Илбек хазнабыста полған на регион пасхалалча. Олар, кöп аймах чонны, культураны, кибірлерні паза чидіглерні піріктіріп, Россияның тööй нимес омазын хада-пірге тöстепчелер. Амды Россияның полған на чуртағӌызы, пос регионына “Россия” таңмазын сағын таап, позының тöреен регионының оңдайын паза культура кодын кöзіт полар, - тіпче “Россия” чидіглер кöзідиинің устағ-пастаа” АНО-ның ööн директоры Наталья Виртуозова.
“Хада тимнепчебіс” ойында аралазарға кізее социальнай сетьтегі пос аккаунтынӌа алай электроннай почта адрезінӌе санға турарға киректелер. Таңманың пос кöрімін, png кöрімніг киріп, хайраллап саларға чарир.
“Россия” чоннар аразындағы кöзідіг-форумға килгеннер хазнабыстың 89 регионының, ööн федеральнай ведомстволарның, корпорацияларның паза халых пірігістерінің кöзідіглерін кöріп аларлар. Кöзідіг-форумның ӱгредіг, культура паза тоғыс программазы алғым тимнелче.
Сом “Россия” чоннар аразындағы кöзідіг-форумның сайтынаң
Автор :
“Россия” чидіглер кöзідиинің устағ-пастаа” АНО
| Пн | Вт | Ср | Чт | Пт | Сб | Вс |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
