Хакасияда пастағызын на иртче Чоннар аразындағы театрлар фестивальы. Ол пiстiң «Читiген» драма паза этническай кöг театрының 35 чылына чарыдылған.

Ағбанзар iкi хазнадаң паза алты республикадаң театрлар ойыннарын ағыл килгеннер. Фестиваль, 8 сентябрьдаң пасталып, 13 сентябрьда тоғызын тоозар.

Театрларның ойыннары марығ оңдайынаң иртчелер. Чарғыӌылар Екатерина Морозова, театр критигi, чарғыӌылар öмезiнiң кнезi (Москва город) Дмитрий Родионов, чарғыӌы, театр критигi (Москва город) Айсылу Сагитова, чарғыӌы, театр критигi (Уфа город).

Фестивальда пiстiң саблығ драматург Александр Котожековтың ойыннарын хоза ӱзӱрерлер.

Анаң 13 сентябрьда Казанов аал хыриндағы «Кöг» юрталар аалында фестивальның салтарларын иртiрерлер.