«Кӧг. Хакас инструменттер чыындызын чыып ал» проект чиңiсчiлер санында
21.07.2023
Хабарлар
Пу кӱннерде Чииттер киректерiнҷе федеральнай агентство грант марииның салтарларын искiрген. «Кӧг. Хакас инструменттер чыындызын чыып ал» проект чиңiсчiлер санында. Аның устағҷызы - сомҷы Анастасия Пачина, араласчылар – В.Г. Чаптыковтың адынаң Хакас филармония паза Л.Р. Кызласовтың адынаң чир-суғ ӱгренҷең музей. Проектке 420 муң салковай позыдылған, ол 2023 чыл тоозылғанҷа чуртасха кирiлерге кирек.
«Кӧг. Хакас инструменттер чыындызын чыып ал» проект ӱс чардыхтаң пӱткен. Чайаачы ӧме ӱгренҷiлерге ӧнетiн кинде тӧстир. Аның полызиинаң олғаннар чатханның паза хомыстың модельлерiн картоннаң чайап поларлар. Ӏдӧк пӧзiк устығ музыканттар, мастер-класстар иртiрiп, чатханнаң, хомыснаң, тӱӱрнең, хобырахнаң, суулаас инструменттерiнең таныстырарлар. Анастасия Пачина мастер-класстарны сомға паза видеоға суурар. Салтарында сомнарнаң паза видеоның пӱткен хакас кӧг тирiглерiнiң каталогы тимге сығар.
Пу социальнай проект. Кинделер школаларҷа тикке тарадырлар. Каталог Интернетке сығарылар.
Сом Анастасия Пачинани
Автор :
Марина Грибкова
| Пн | Вт | Ср | Чт | Пт | Сб | Вс |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
