Хубачар 175 чылын таныхтапча. Хакасия пазы чуртағӌыларны пайрамнаң алғыстаан
27.08.2023
Хабарлар
Позырахта Хакасия пазы Алтай аймааның Хубачар аалына 175 чыл толчатханына чарыдылған пайрамнығ мероприятиеде араласхан.
Валентин Коновалов чуртағӌыларны Аал кӱнiнең алғыстап, Хубачар пӱӱн Хакасияның чуртасха истiг аймах кiнi полчатханын таныхтаан. Халғанӌы туста чыллардаң пöгiлбеен сидiк сурығлар пöгiл сыххан.
Ирткен чылда Хубачарда Харатастағы тағ-пӱдiрiг паза Хакасияның кöп профильлiг техникумнарның пöлiктерi азылған. Iдöк ирткен чылда "сестринское дело" профильӌе пастағы группа тöстелген, анда студенттернiң кöбiзi - Алтай аймаанаңнар.
Наа школа, олған сады, физкультура-хазыхтаныс комплексi, Культура туразы паза кöп функциялығ кiн пӱдiрiлче. Хакасия правительствозы Алтай аймаана прай пiчiктернi тимнирге хабас пирген, ол проекттерге федеральнай бюджеттең ахча алып алар ӱчӱн. Ахчаның чардығын республика даа, аймах таа хосханнар.
- Аарлығ чир-суғӌылар! Прай чахсы ниме, хайзы идiлген паза ам идiлче, сiрер чох идiлбесчiк. Алғыс сiрерге, тiспен iстенiзiңер паза тöреен аалны тилiдерiне прай кӱзiңернi пирчеткенiңер ӱчӱн, - теен регион устағӌызы. - Хубачарның аарлығ чуртағӌылары! Алғыстапчам сiрернi Аал кӱнiнең! Пик хазыхтығ, часкалығ паза сöбiредегi чахсы чуртастығ полыңар!
Сом Хакасия пазының ВКонтакте страницазынаң
Автор :
Тимнеен Альберт Толмашов
| Пн | Вт | Ср | Чт | Пт | Сб | Вс |
| 24 | 25 | 26 | 27 | 28 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
