«Пірдең пірге, пиар чох»
09.08.2023
Хабарлар
Азых чоохтазығ. Хакасия пазы Валентин Коновалов позының официальнай каналында Хазна Думазының депутады Сергей Соколны азых чоохтазыға хығырған
Аарлығ Сергей Михайлович!
Июль айның ортызында, СМИ-ларға интервьюда, мин, закон хоостыра табығлар алнында агитация апарарға, эфирдегі туснаң тикке тузаланып, теледебаттарда аралазардаңар искіргем. Анда мин хайди даа аралазарбын.
Че ол мин Сірерні хығырған азых чоохтазығлар нимес. Мин Сірерні ам хығырчам.
Мин санапчам, піс пірдең пірге тоғазарға кирекпіс. Кӧні – Сірер паза мин. «Сурығ – нандырығ» оңдайҷа. Сірер мағаа сурығлар пирчезер, мин Сірерге Хакасия чуртағҷыларын сағыссыратчатхан сын сурығлар пирербін. Андағ сурығларны, хайзыларын, арса, Сірерге кӧні пирерге кізілер чалтанчалар.
Постарыңның сурығларына Сірер миннең кӧні, сын нандырығлар аларзар. Сірер ідӧк сын поларыңарға ізенчем.
Тоғас кӧрелер, ахты ах тиирбіс, хараны – хара. Алаахтырыс чох, пиар чох, кірліг политтехнологиялар чох.
Хакасия чуртағҷылары ӱчӱн аны идіп алаалар, оларға сынны пілерге кирек, олар алнында ниме поларын пілерге сағынчалар.
Сірернең хайдағ даа интернет площадказында тоғазарға тимдебін.
Андағ площадка поларға тимде «Хакасия» ИА. Табығлар алнындағы политика тоғазығларын иртірерге изданиенің ӧмезі тимдезінеңер искірче.
Сом Хакасия пазының ВКонтакте страницазынаң
Автор :
Тимнеен Николай Султреков
| Пн | Вт | Ср | Чт | Пт | Сб | Вс |
| 28 | 29 | 30 | 31 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 1 |
Кӱн таңмазы
Хакасияда
Россияда
Тилекейде
