Регион операторын хайди хоптирға?
09.08.2023
Хабарлар
ЖКХ сурии. Регион операторы пу адын чідір саларынаң хорғыс пардаңар хыймыран сыхты
Іди ағаа сайбағдаңар пічік пирілген соонаң ол аны ӱс кӱн аразына чох идібізерге кӱстенче. Ана ол син тус пирілче сайбағларны чох идеріне, сӧп-сапты арығлирына. Чуртағҷылардаң хоптар ам даа кірчелер. Хакасияның чир-чайаан ис-пайы паза экология министерствозынзар похсахты сығара тартарынаң палғалыстығ 20 наа акт кірген.
Хакасияның чир-чайаан ис-пайы паза экология министерствозы сизіндірче, кирек алызарына социальнай сетьтерде хоптар пазары читкіҷе нимес, регион операторы, полған на хаалағнаң чараспин, чарғызар айланча. Амғы туста регион операторы, Хакасияның Ӧӧркі Чӧбі алған законнаң чараспин, Хакас Республиканың Ӧӧркі чарғызынзар айланған. Ол закон хоостыра республиканың ӱлгӱлері регион операторының статузын хыйа ал полар оңдайлығлар.
Аннаңар регион операторы саринаң сайбағлар полза, чуртағҷыларға піди тудынарға чӧп пирілче:
1) акт тимнелчеткен туста, регион операторының кізізін хығырарға кирек. Пу телефон номерінең палғалызарға: 8(3902)21-21-63; 89831912163 алай пу электроннай почтазар пічік ызарға hks19@aеrocіti-2000.ru айланған кізінің палғалызар оңдайларны, сайбағларны, адресті паза акт тимнелчеткен тусты пас саларға. Регион операторынаң пірдеезі килбезе, актты хонҷыхтар кӧзіне тимнебізерге чарир (ікі кізідең асхынах нимес) паза (алай) актнаң хада сайбағдаңар сом поларға кирек;
2) регион операторы сайбағны чох идібіссін тіп, актты аның электроннай адрезіне hks19@aеrocіti-2000.ru ӱс тоғынҷаң кӱн аразына ыс пирерге кирек;
3) акттың хобырғанын Хакасияның чир-чайаан ис-пайы паза экология министерствозына пу электроннай адресче ыс пирерге: mіnprіrod@r-19.ru;
4) регион операторы актты алғаннаң ӱс кӱн аразына анда хол салыбызарға паза айланған кізее нандыра ыс пирерге кирек, че актнаң чараспинчатса, чараспинчатханының сылтаан пас пиріп, ыс пирерге кирек;
5) регион операторы ӱс кӱн аразына хол салыбысхан актты ыс пирбезе, ол актнаң чарасчатханға паза анда хол салыбысханға саналча;
6) айланған кізі регион операторының сайбағнаң чараспинчатханнаңар актын алып алза паза аннаң чарас салза, актсар алызығлар кир саларға кирек.
Автор :
Юлия Бредихина
| Пн | Вт | Ср | Чт | Пт | Сб | Вс |
| 31 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 1 | 2 | 3 | 4 |
Кӱн таңмазы
Хакасияда
Россияда
Тилекейде
