Фестиваль кино суурчатханнарны хығырча
24.07.2023
Хабарлар
4-6 августта Новосибирскте «Новатория» фестиваль иртер. Мында 20 азыра араласчы полар паза 40 эксперт тоғынар тіп кӧрілче. Фестивальның «Кино» площадказы региондағы кинематографха полызығ пирҷең чыындызы полызиинаң иртірілер.
Ӱс кӱн аразына пу площадкада эксперттер, Сибирьдегі кино чайапчатхан устар, IT-пірігістерінің кізілері паза компьютер ойыннарынаң айғасчатханнар тоғазып, искіріглернең палғалыстығ амғы тустың ағырсымнығ сурығларын ӱзӱрерлер. Ӏдӧк кино, арт, медиа кӧстеглерҷе наа проекттер тимнирлер.
Фестивальда чииттерні документальнай паза актерлар ойнапчатхан киноны, компьютер ойыннарын паза пасха даа кӧстеглерҷе тоғыстарны чайир оңдайларнаң таныстырарлар. Паза кинематографияны ӧтіре пілчеткеннер оларға амғы тустың кирексіністеріне килістіре чайаачы кӧрістерін тилідерге полызарлар.
Новаторияның» тӧстегҷілері Сибирь кинематографисттерін проекттер паза хысхаҷах фильмнер мариинда аралазарға хығырчалар. Эксперттер марыға пирілген тоғыстар хоостыра сағыстарынаң ӱлезерлер паза проекттер тимнирінде чӧптер пирерлер.
Фестивальда аралазарына сурыныс пічіктерiн 25 июльға читіре «Новаторияның» https://novatoria.org/cinema сайтында алчалар.
Сом Хакасия правительствозының сайтынаң
Автор :
Тимнеен Татьяна Кыштымова
| Пн | Вт | Ср | Чт | Пт | Сб | Вс |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
