Ӱзӱрігде - аал хонииның тилізі
22.07.2023
Хабарлар
Хакасиязар Россияның Хазна Думазының депутады Николай Харитонов кил парған.
Николай Михайлович - Ыраххы Востокты паза Арктиканы тилідерінҷе Хазна Думазы комитедінің кнезі, Россияның аал хонииның саблығ тоғынҷызы, экономика наукаларының кандидады. 2004 чылда президент табығларында араласхан.
Хакасия правительствозы аал хониин тилідеріне улуғ хайығ салча. 2023 чылда ааллар тилідеріне 3 млрд салковай азыра кöріл парған. 2017 чылнаң тиңнестірзе, ол тöрт хати кöп.
Фермерлерге, аал кооперацияларына, сад паза дача пірігістеріне пирілчеткен гранттар сині, техника, оборудование паза ГСМ алған ахчаның чардығын айландырылчатханы öскірілген. Ідöк республика правительствозы мал öскіреріне полызығ пирче, хурағаннарны öскіреріне хорадылчатхан ахчаның чардығы айландырылча. Хакасияда хойлар, маллар паза аттар саны öсче. Палых öскірері паза тудары тиліпче.
Николай Харитонов республика ӱлгӱлерінең хада-пірге öткін тоғынча, федеральнай полызығ кирексіпчеткен сурығларны пöгерге полысча.
Ікі кӱн аразына депутат Хакасияның муниципалитеттерінде пол килер, чуртағҷыларнаң тоғазар, тоғыс чыылығларында аралазар.
Сомнар Хакасия пазының паза правительствоның пресс-службазыни
Автор :
Тимнеен Татьяна Кыштымова
| Пн | Вт | Ср | Чт | Пт | Сб | Вс |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
