"Экософия" марығның финалында iкi кiзi
21.07.2023
Хабарлар
Евгений Ворожцов (ортызында)
Россияның экосборнайынзар кiр парғаннар Евгений Ворожцов паза Амирхан Эсен.
Олар "Россия - страна возможностей" президент платформазының "Экософия" проекттiң грант финалында аралазарлар. Марығның финалы Нижний Новгородта от айының 26-30 кӱннерiнде иртер. Араласчылар эколидер ат ӱчӱн марығлазарлар.
Ағбан чуртағӌызы Евгений Ворожцов "Экопросвещение" номинацияда "Чир-чайаанны арачылирға литература сöзi" проектiнең араласча. Амирхан Эсен - волонтер, "Экогастрономия" номинацияда ECOfriends программанаң таныстырар. Ол iдöк Ағбан чуртағӌызы.
Амирхан Эсен (ортызында)
Экософия" чир-чайаанны хайраллирына, чуртағӌыларның экология культуразын тилiдерiне кöстелген проект полча. Проекттiң пастағы чарым финалы пылтыр кiчiг хырлас айында Калугада ирткен. Анда республиканың 43 регионынаң, Беларусьтаң паза Казахстаннаң 238 кiзi араласхан. Улуғ хырлас айының халғанӌы кӱннерiнде Байкальскта iкiнӌi чарым финалы ирткен, хайзында 19 регионнаң 92 араласчы полған. Пӱӱл хосхар айында Тюмень облазында ӱзiнӌi чарым финал ирткен. Анда 100 кiзi араласхан. Халғанӌы чарым финал Архангельск 33 регионнаң 146 араласчыны чыып алған.
Сомнар «Россия – страна возможностей» АНО-ни
Автор :
Тимнеен Оксана Челтыгмашева
| Пн | Вт | Ср | Чт | Пт | Сб | Вс |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
