Тимнелген орыннарда ла суға сомарға чарир
21.07.2023
Хабарлар
«Ӧнетін тимнелген орыннарда ла сомыңар!»
Сизіндіріг. Чайғы тузы ортызына чит парды. Піреезі суға сомарға маңнанған, пасхазы чағынғы кӱннерде ле пар килерге пӧгінче
Республика ӱлгӱлері Хакасия чуртағҷыларынзар айланчалар: «Ӧнетін тимнелген орыннарда ла суға сомыңар!» Хомзынысха, чуртағҷыларның илеедезі «дикий» адалчатхан пляжтарда суға сомарын таллап алча. Анзы чобағлығ салтарға ағылча. Іди пӱӱл сомар тус пасталғаннаң Хакасиядағы суғларда 7 кізі саайланған.
Хакасияның ГО, ЧС паза ПБ устаа хорғыс чох суға сомар пляжтарның паза арачылағ посттарының списогын пирче.
Пляжтар:
– Ағбан г. – тынағ паркындағы муниципальнай пляж;
– Саяногорск г. – сайлығ карьер паза Ким суғдағы пляж;
– Боград аймаа – Дикое кӧл («Востокметаллның» тынағ базазының пляжы);
– Ағбан пилтірі аймаа – Тазоба карьері («ЭКО-пляж»);
– Шира аймаа – Шира кӧл, олған санаторийінің пляжы, «Шира кӧл курорт», «Лазурный берег» ЗАО-ларның пляжтары, Жемчужнай поселоктың муниципальнай пляжы, «В гостях у сказки», «Ирбис», «Альтаир», «Соленый берег», «Восход М», Тус кӧл, Шира аал, Орлово кӧлдегі пляж;
– Асхыс аймаа – Пуланнығ кӧлдегі «КСДЮШОР» РГОУ ДОД-тың 1 пляжы;
– Сорығ г. – Теплое-1 кӧлдегі пляж;
– Асхыс аймаа – Пуланнығ кӧлдегі «Орленок» олған лагерьінің 1 пляжы;
– Шира аймаа – Шира кӧлдегі «Сосновый бор».
Арачылағ посттары:
– Саяногорск г. – «Сайлығ карьер» суғдағы арачылағ посты, Ким суғдағы 1 № школа хыриндағы арачылағ посты;
– Сорығ г. – «Теплый» тулғордағы арачылағ посты;
– Ағбан г. – «Энергия» ООО-ның Тынағ паркындағы, Дрена каналындағы, Речвокзал хыриндағы арачылағ посттары;
– Алтай аймаа – Лукьяновка аал, Куринка кӧлдегі пост;
– Асхыс аймаа – Пуланнығ кӧл аал, Пуланнығ кӧлдегі пост;
– Пии аймаа – Бондарев аал, Красное кӧлдегі пост (Бондарев аалдаң 2,5 км алтынзарых, іскеркі саринда орныхча);
– Алахтайлар аалы – Утиное кӧлдегі арачылағ посты;
– Пии аймаа – Подгорное кӧлдегі пост, Кирбі аалдаң 11 км ӱстӱнзархы-кидеркі саринда;
– Тазоба пилтірі аал – Калинин карьердегі арачылағ посты;
– Райковтар аалы – Ждановское кӧлдегі пост (Асхыссар чолның 35-ҷі километрінде орныхча);
– Весенний аал – Улуғ кӧлдегі пост (Весенний аалдаң 20 км алтынзархы саринда орныхча);
– Тазоба поселок – «Экопляж» ИП-ның пляжындағы пост;
– Шира аймаа – Жемчужнай аал, Шира кӧлдегі пост;
– Тоғызаас аал – Ах Ӱӱc суғдағы Коммунар тахтадағы пост;
– Азах Сӧӧт аал – Пионерское кӧлдегі пост;
– Сон пилтірі аал – Власьево кӧлдегі пост;
– Шира аал – Орлово кӧлдегі пост;
– Тустығ кӧл аал – Киприно кӧлдегі пост;
– Тустығ кӧл аал чӧбі – Ах Ӱӱс кӧлдегі аар-пеер чӧрҷең пост.
Хакасияның ГО, ЧС паза ПБ устааның специалисттері чуртағҷыларзар сизіктіг поларға айланчалар, ідӧк суға сомҷаң туста хайди тудынарға чарадылбинчатханынаңар искірчелер:
– ізілік полып, суға кірерге;
– хорғыстаңар сизіндірчеткен танығлар турғызылған орыннарда суға сомарға;
– тахталардаң, причаллардаң, пристаньнардаң суғзар кире сегірерге;
– кізіні суғда хаап ойнирға, суғ алтында тынмин поларға, кізілерні азахтарынаң хабарға, хорғыдарға, суғзар ідерге, полызығ сурап, тайма хысхырарға;
– чилліг, кӱгӱрттіг кӱнде суға сомарға;
– тирең суғзар кірерге, матрастарда паза кругтарда чардаң ырах чӱзерге, улам олғаннарға паза чӱс полбинчатхан кізілерге;
– иртчеткен судноларзар, катерлерзер, кимелерзер, гидроцикллерзер чағын чӱзерге, ідӧк буйлар азыра чӱзерге.
Піліңер! Ӧнетін тимнелген пляжтарда паза ӧнетін арачылағ посттары тоғынчатхан орыннарда ла суға сомзаңар, чуртазыңарға хорғыс полбас.
Сом Интернеттең алылған
Автор :
Татьяна Кабаева
| Пн | Вт | Ср | Чт | Пт | Сб | Вс |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
