Хысхаа тимненісті айныдарға
19.07.2023
Хабарлар
Хысхызына азынада тимненедірлер
ЖКХ сурии. Республиканың пӱдіріг паза ЖКХ министерствозы 2023-2024 чыллардағы чылығ пирҷең тусха тимненісті сыныхтағда тутча
Хакасия пазының орынҷызы Юрий Курлаевтің устаанынаң неделя сай ӧнетін чыылығлар иртчелер. Видеоселекторҷа ирткен халғанҷы чыылығда Хакасияның пӱдіріг паза ЖКХ министерствозының кізілері, республиканың прокуратура тоғынҷылары паза регионның муниципальнай пӱдістерінің устағҷылары араласханнар.
Пӱӱл чылығ пирҷең тусха коммунальнай инфраструктураны тимниріне 437,6 миллион салковай позыдылған, оларның 55,1 миллион салковайы хорадыл парған. Пӱӱнгі кӱнге тиксі тимненіс 25,1% тиңнелче.
Кӧп квартиралығ тураларның паза социальнай объекттернің коммунальнай комплексі чылығ пирҷең тусха тимде полчатханын паспорттар алып алғаны киречілепче.
– 2023 чылда 91 процент паспорт алып алары пӧгінде турча (46-даң 42 пічік). Аннаңар муниципальнай пӱдістер пастарына, устапчатхан паза коммунальнай полызығлар пирҷең организацияларның устағҷыларына чылығ пирҷең тусха тимненеріне улуғ хайығ саларға кирек, – таныхтаан Юрий Курлаев.
Хысхы тусха тимненеріне 65,5 миллион салковай хоза субсидия пирілер. Ол республиканың муниципальнай пӱдістері аразында ӱлестірілер.
Сом Хакасияның пӱдіріг паза ЖКХ министерствозыни
Автор :
Элеонора Тодинова
| Пн | Вт | Ср | Чт | Пт | Сб | Вс |
| 24 | 25 | 26 | 27 | 28 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
