Киӌее Хакасия пазы Валентин Коновалов "Громче" фестивальның чиңiсчiлерiн сыйыхтаан. Пу фестиваль Хакасия правительствозы паза стратегия пастааның паза проекттернiң чииттер кiнi хабазиинаң Чииттер чылына чарыдылып иртiрiлген.

Фестивальда тиксi республиканың чииттерi араласханнар. Олар чайаачы ырларынаң, рэп-сарыннарынаң, теелбектерiнең паза диджеингнең чайаачыларында сынасханнар. Хай пiрее номинацияларының лауреаттары, 1,5 ай аразына марығлазып, табылғаннар. Фестивальда иң артыхтарын чеестееннер. "Ырлар" номинацияда иң артых BeatCoven öме полыбысхан, "Cem" номинацияда - Yasakoff диджей, "Pэп" номинацияда Никич чиңiс тутхан, "Теелбектер" номинацияда "Бейлиз" шоу-балет утхан. Олғаннар öмезiнiң аразында чиңiсчiлер полыбысханнар: "Вокал" номинацияда Арина Милованцева, "Сеm" номинацияда диджей Rem2Mix, "Теелбектер" номинациязында Skill Fly брейк-данстың öмезi.

- Фестивальның прай араласчыларына паза тöстегӌiлерiне алғызым читiрчем! Чиңiсчiлернi алғыстапчам! Сағынған сағыстарыңны чуртасха кирiңер, чайаачы сағыстарың хаӌан даа толзын паза чиңiстерге чидiңер, - чоохтаан республика пазы Валентин Коновалов.