Металлургия отрасльының аарлығ тоғынҷылары паза ветераннары! Хакасияның Правительствозы паза Ӧӧркi Чӧбi адынаң сiрернi профессия ӱлӱкӱнiнең – Металлург кӱнiнең – алғыстапчабыс!

Металлургия отрасльы хаҷан даа Ада чир-суубыстың экономика локомотивтерiнiң пiрсi, хазна паза чон чуртазының чарылбас чардығы полған. Машиналарнаң паза агрегаттарнаң устап, доменнай пестер паза прокат станоктары хыринда турып, металлургтар пiстiң хазнаның кӱзiн ӧскiрчелер.

Хакасияның индустрия комплексiнiң иң чахсы тилiпчеткен отрасльларының пiрсi металлургия полча. Саяногорсктағы паза Хакас алюминий заводтары, Сорығдағы ГОК паза ферромолибден заводы, Абазадағы, Тӧӧ пазындағы паза Коммунардағы рудниктер республиканың поғдархазы полчалар, Хакасияның паза Россияның экономиказын тилiдерiне салымнығ хозым итчелер.

Аарлығ металлургтар, сiрернi паза отрасль ветераннарын, чахсы тоғызыңар, кирееңерге пирiн салған, Хакасияның экономиказын паза чуртазын тилiдерiне улуғ хозым итчеткен ӱчӱн алғыстапчабыс! Пик хазых, часка, чахсы чуртас паза наа чидiглер алғапчабыс!