Мал ӱчӱн тӧлег
Хакасияның кiчiг паза ыраххы ааллар чуртағҷыларына мал тутчатхан ӱчӱн хорадығларның чардығы айландырылча.
Пӱӱл хосхар айында Хакасия пазы Валентин Коновалов мал, хой паза ат тутчатхан ӱчӱн тӧлегнi 20 % хозарға паза хабазығны алчатханнарның санын ӧскiрерге чарадығ алған. Амды программада 300 чуртағҷаа теере ааллар аралас поларлар. Iди тӧлегнi алар аалларның саны 108-тең 157-ее теере ӧс парған. Пiр хоныхха чарым чыл ӱчӱн иң кӧп 25459 салковай пирiлче: пiр iнек ӱчӱн 4118 салковай кӧрiл парған, пiр пии ӱчӱн – 1123 салковай, пiр ине хой ӱчӱн – 374 салковай. Иң кӧп тӧлег пис iнек, пiр пии паза 10 хой ӱчӱн алып аларға чарир.
Пу чылның iкiнҷi чарым чылы ӱчӱн тӧлегнi аларына пiчiктернi орғах айының 30-ҷы кӱнiне теере аал чӧбiне пирiбiзерге кирек.
Сом Дмитрий Сунчугашевти
| Пн | Вт | Ср | Чт | Пт | Сб | Вс |
| 28 | 29 | 30 | 31 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 1 |
