27 чиит имҷi, оларның санында читi терапевт, ӱс акушер-гинеколог, хирургтар, анестезиолог-реаниматологтар, Ағбандағы, Харатастағы паза Ширадағы имнег тураларында тоғынарға тимде.

Оларның он ӱзi кӧстеглiг ӱгредiг чӧптезиинҷе ординатурада ӱгренген. Пу специалисттер чӧптезiг иткен имнег тураларында тоғынарлар.

– Ординатура тоосчатханнар хазна сыныхтаан иртчелер паза специальнозы хоостыра тоғызын чахсы пiлчеткенiн киречiлепчелер. Хазна комиссиязы оларның пiлiстерiн чахсы паалаан, – чоохтаан ХГУ-ның имнег институдының ординатура, хатап тимненiс паза аккредитация иртiрер кiнiнiң директоры Юлия Мамедова.