Хакасия пазының сыйиина марығ
18.06.2023
Хабарлар

Киӌее Ағбандағы стол теннизi кiнiнде Хакас Республика пазының Кубогының азых марии ирткен. Анда азахтарынаң кинек, пас чöр полбинчатхан спортсменнер араласханнар.
Хакасия пазы Валентин Коновалов марығны пайрамни асхан:
- Прайзын марығ пасталчатханынаң алғыстапчам! Мындағ марығ чыл сай иртiрiлерге кирек тiп сағынчам. Килер чылда чоннар аразында иртiрер iзенiс пар. Пiс аны иртiрерге кӱстенербiс.
Спортсменнерiбiс чоннар аразындағы марығларда араласчалар. Пiстiң республикада стол теннизiнӌе хакас школазы тöстелген тиирге чарир.
Прайзына сағыста хаӌанға даа халар ойыннар, спортсменнерге наа чидiглерге чидерге алғапчам!
Марығда 28 спортсмен араласхан. Анда Ағбан, Саяногорск, Харатас городтардаң паза Асхыс аймаанаң пасха, iдöк Хызылчар крайынаң, Кемеров паза Рязань областьтарынаң спортсменнер полғаннар.
Ипчiлер аразында 3 классча 1 орынға Светлана Акатова (Харатас г.) турысхан, 2 орынға - Наталья Рябцева (Ағбан г.), 3 орынға - Ирина Колесникова (Ағбан г.).
4-5 класстарӌа Инна Балахчина (Ағбан г.) 1 орын алған, 2 орынны - Анастасия Надольская (Харатас г.), 3 орынны - Анна Алексеева (Харатас г.).
Иреннер аразында 1-2 класстарӌа 1 орынға Игорь Лунг (Ағбан г.) турысхан, 2 орынға - Виталий Анисимов ( Саяногорск г.), 3 орынға - Алексей Рябоконь (Хызылчар крайы).
3 класстарӌа 1 орын Алексей Лисовойға пирiлген (Рязань облазы), 2 орын - Алексей Коноваловха (Кемеров облазы), 3 орын - Алексей Боргояковха (Ағбан г.).
4-5 класстарӌа Григорий Исаков (Ағбан г.) чиңiсчi полыбысхан, 2 орында - Александр Соколов (Харатас г.), 3 орында - Евгений Долинский (Хызылчар крайы).
Автор :
Оксана Челтыгмашева
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 1 | 2 |
Кӱн таңмазы
Хакасияда
Россияда
Тилекейде