"Иерусалимнің Худай сӧзі" кӧзідіг
10.06.2023
Хабарлар

Л.Р.Кызласовтың адынаң Хакас национальнай чир-суғ ӱгренҷең музейде Израильдегі сомҷы Дмитрий Брикманның "Иерусалимнің Худай сӧзі" кӧзідии азылған. Чапсых проектнең Хызылчардағы "АЙНАРТА" галерея ӱлесче.
Дмитрий Борисович Брикман 1964 чылда 12 сентябрьда Ленинградта тӧреен, че 30 азыра чыл Израильде чуртапча паза тоғынча. Пірсінде илбек Иерусалимнің хайхастығ чуртазын кӧр салып, ол сомнарнаң айғазарға пастаан. Іди аның "Арменияның харах оды", "Грузияның харах оды" паза пасха даа тоғыстары чарыхха сыххан.
Сомҷы позы піди тіпче: "Пис чыл мының алнында "Иерусалимнің Худай сӧзі" проектті тимнеп салғам. Ағаа илееде чыллар парыбысхан. Кізі, чуртазында аар полза, кірҷең-парҷаң чирі чох полыбысса, Худайзар айланча. Иерусалим - город, хайдар муңарлап кізі килче. Олар Худайзар тӧреен тіллерінең айланчалар, че прайзы пір ниме сурча - хазых, часка, хыныс".
Дмитрий Борисович 1987 чылда Ленинградтағы политехническай институтты тоосхан, анаң Я.М.Свердловтың адынаң станкостроительнай заводта істенген. Израильде 1991 чылдаң сығара чуртапча. 2006 чылда радиопередача тӧстеп алған, соонаң - "Детский недетский вопрос" телепрограмманы. 2010 чылдаң сығара Израильдегі хабарлар порталында "Сомнар танығлары" рубриканы апарча.
Хакасияның ӧӧн музейінде Дмитрий Брикманның 65 сомын кӧріп аларға чарир. Тоғыстары "Иерусалимнің Худай сӧзі" паза "Иерусалимнің кӧлектері" адалчалар. Кӧзідіг 27 августха теере тоғынар. Анаң аны Екатеринбургсар кӧзірерлер.
Автор :
Татьяна Тютюбеева
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 1 | 2 |
Кӱн таңмазы
Хакасияда
Россияда
Тилекейде