ИҢ АРТЫХТАР ТАБЫЛАР
09.06.2023
Хабарлар

Марығ. Хакасияның национальнай паза территориальнай политика министерствозы «Хакасияның халыхтарның орындағы пос устаныстарынаң тоғынарынҷа иң артых муниципальнай пӱдіс (орын) устағ-пастаа» VІ республика мариин чарлапча
Марығ орындағы пос устаныс органнарының паза халыхтарның орындағы пос устанызы органнарының чуртағҷыларның пастағларын паза чонға кирек проекттерні чуртасха кирерінҷе, чуртағҷыларны орындағы пос устаныс тоғызында ӧткін араластырарынҷа паза, халыхтарның орындағы пос устанызын тӧстеп, аны чуртасха кирер оңдайларны тӧстирінҷе хада-пірге тоғысты чахсыландырар пӧгіннең иртірілче.
Хакасияның город округтарын, город-аалларын марығда аралазарға хығырчалар. Оларға ӱс номинация тимнелген: «Хакасияның халыхтарның орындағы пос устаныстарынаң тоғынарынҷа иң артых город округының устағ-пастаа»; «Хакасияның халыхтарның орындағы пос устаныстарынаң тоғынарынҷа аймахтың администрация кіні полчатхан иң артых город-аал устағ-пастаа» паза «Хакасияның халыхтарның орындағы пос устаныстарынаң тоғынарынҷа иң артых город-ааллар устағ-пастаа (муниципальнай аймахтарның кіннерінең пасха)».
Марығның сыйых чыындызы – 3 миллион салковай. Чиңісчілерге 200 – 350 муң салковайға сертификаттар читірілер. Ол ахчаа ТОС-тар сағынған сағыстарын чуртасха кир поларлар паза ӧткін араласчыларын таныхтап поларлар. Марығ «Хакасияның регион политиказы» хазна программазынҷа чуртасха кирілче.
Марығда аралазар пічіктер Хакасияның национальнай паза территориальнай политика министерствозында хандых айының 21-ҷі кӱніне теере пу адресче алылчалар: Ағбан г., Щетинкин ор., 18, 507/9. Сурығларҷа пу телефонға сығдырадарға: 8 (3902) 239-001, Екатерина Вячеславовна Бушкина. Марығдаңар толдыра искіріг республиканың хазна органнарының официальнай порталында (www.r-19.ru) орныхча. Чарадығны пу чолҷа таап аларзар: «Халых» – «Орындағы пос устаныс» – «Марығлар».
Сом Интернеттең алылған
Автор :
Светлана АСТАНАЕВА
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 1 | 2 |
Кӱн таңмазы
Хакасияда
Россияда
Тилекейде