США-ның хазна департаменті Хакасия пазынаң тоғыр хатығластар кирібіскен
25.02.2023
Хабарлар
Хакасия пазы Валентин Коновалов ол кирек хоостыра сағыс-кöрізінең позының социальнай сетьтердегі страницаларында ӱлесче:
- Пу хатығластарны киргені саңай ізеніс чідіргені ле нимес!
Ол хаалағ пістің орта паза сын, Ада чир-суубыстың істенӌi улузының алнын алып, тудынчатханыбысты киречілепче.
Че андағ кирек, халғанӌы чӱс чыл америкадағы капиталисттернің чап кöңнілерін толдырып, планета чоннарын ыырластырчатхан, пӱӱн, тізең, Бандераның паза Шухевичтің сағыс-кöрізін нааӌылирына прай кӱзін салчатхан Соединеннай Штаттарның кöңніне кірбинчеткені іле!
Киртінчем, США устаанынаң Кидеркі империалисттер кізідең тоғыр сайбағлары ӱчӱн хайди даа хатығласха тартыларлар, хайдағ даа кöрімніг нацизм тархынның сöп-сап тöкчең орнынзар ызылар, сын тархын, оң чуртас паза чоннар ынархазы хайди даа чиңер.
Автор :
Тимнеен Наталья Сюптерекова
| Пн | Вт | Ср | Чт | Пт | Сб | Вс |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
