ХАКАС ТIЛI ӰГРЕТЧIЛЕРI – ХАЗНА СИНIНДЕГI ЧЫЫЛЫҒДА
16.12.2022
Хабарлар
Пос тiлi ӱгретчiлерiнiң съездi-2022. Пӱӱл пу хазна синiндегi чыылығ пастағызын на чуртасха кирiлдi. Аның тӧстегҷiзi Россияның просвещение министерствозы полча
ОЛ МОСКВАДА 13-14 ДЕКАБРЬДА ИРТКЕН. АНДА РЕГИОННАРНЫҢ ПАЗА МУНИЦИПАЛЬНАЙ ПӰДIСТЕРНIҢ ӰГРЕДIГ УСТАНЫЗЫНЫҢ СПЕЦИАЛИСТТЕРI, ШКОЛА, КОЛЛЕДЖ, ХОЗА ӰГРЕДIГ УЧРЕЖДЕНИЕЛЕРIНIҢ ИҢ ЧАХСЫ ӰГРЕТЧIЛЕРI АРАЛАСХАННАР. ПРАЙ 280 АЗЫРА КIЗI ПОЛҒАН. ОЛАР МОСКВАЗАР 75 РЕГИОННАҢ ЧЫЫЛЫСХАННАР.
Пiстiң республиканың адынаң пу чыылығда пос тiлi тилiзiне улуғ хозым итчеткен иң артых специалисттер паза ӱгретчiлер араласханнар. Олар – Хакасиядағы ӱгредiг паза наука министерствозының национальнай ӱгредiг паза наука пӧлиинiң советнигi Анна Танбаева, ӱгредiг тилiзi паза квалификация кӧдiрҷең институттың хакас тiлi уроктарын апарарынҷа методика кiнiнiң устағҷызы Надежда Толмачева, Ағбан городтағы 24 № школаның хакас тiлi паза литература ӱгретчiзi Олеся Улугбашева, Асхыстағы М.И.Чебодаевтiң адынаң лицей-интернаттың хакас тiлi паза литература ӱгретчiзi Ирина Идимешева, Н.Ф.Катановтың адынаң гимназия-интернаттың хакас тiлi паза литература ӱгретчiзi Валерия Идимешева.
Съезд араласчылары «Пос тiлi паза литературазы» предмет полған на регионда федеральнай синде кӧрiлген кирексiнiстер хоостыра хайди апарылчатханнаңар, тiл сурығлары хайди пӧгiлчеткеннеңер чоох апарғаннар. Мастер-класстарда, тiзең, ӱгретчiлернiң пос тiлi уроктарында наа технологияларнаң ӧткiн тузаланылчатханы кӧзiдiлген.
Автор :
Валентина КАБАРДИНА
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
