НАА ПРОЕКТТЕР ЧУРТАСХА КИРIЛЕР
07.12.2022
Хабарлар
Туризм. Хакасияда хысхы тынағның аймах кӧстеглерін тилідерге пӧгінчелер
Республика ӱлгӱлері туризмні улуғ хайығда тутчалар. Ол сылтағнаң халғанҷы ӱс чыл аразына мында чорыхчылар саны пілдірте ӧс парған. Хакасияа Аалҷылар удурлаҷаң индустрияның халых пірігізінің вице-президенті Наталья Осипова чахсы хабасча. Пӧзік устығ cпециалисттің полызиинаң 2020 чылда Сибирьзер, ол санда пістің республиказар, чартер рейстерi азылғаннар. Ол «Хакасия – пис кӱстің чирі» турист брендін тӧстирінде ӧткін араласхан.
Пу наада республика пазы Валентин Коновалов паза Наталья Осипова наа проекттернi чуртасха кирерін ӱзӱргеннер. Тоғазығ алғыстастарнаң пасталған. Валентин Олегович аарлығ аалҷаа істіндегі туризмні тилідерге полысчатхан ӱчӱн чылығ сӧстер читірген. Наталья Осипованы алғыстас пічиинең паза сыйыхтарнаң таныхтааннар.
Аалҷылар удурлаҷаң индустрияның халых пiрiгiзiнiң вице-президентінiң чооғынаң, Хакас чирінде чайғызын даа, хысхызын даа аймах оңдайнаң тынанарға чарир. Кӧзідімге, «Сюгеш» турист комплексте олғаннарға тағ индіре чылҷаң курорт азыбызарға чарир. Анда палалар инструкторлар устаанынаң саналығ чыларға ӱгренерлер, олох туста хазыхтарын пиктирлер. Андағ курорт тиксі Россияда чоғыл. Наталья Осипова чоохтаан:
– Амғы туста «Сюгеште», «Гладенькаяда» паза Приисковайда хысхызын чахсы тынанып аларға чарир. Пеер кізілер тағ индіре чыларға килчелер. Пу кӧстеге хайығ салылза, Хакасия тағ индіре чыларының кіні пол парарға айабас.
Специалисттің сағызы Валентин Коноваловтың кӧңніне кірген. Ол республиканың экономика тилізі министерствозына пу пастағны чуртасха кирер оңдай табарға чахығ пирген.
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 30 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде
