Толяның ӱчӱн ӱн пирiңер
28.11.2022
Хабарлар
Теелбекчi Анатолий Ворошилов «Синяя птица» тиксi Россия мариинда араласча. Аны «Россия» канал иртiрче.
Таланттығ саарбах Асхыс аймаандағы Пилтiр аалдаң. Ол 9-ҷы класста ӱгренче, ағаа 15 час. Толя тренерi Прокопий Тормозаковтың устаанынаң брейкингнең айғасча. Пӱӱл теелбекчi «Азияның олғаннары» чоннар аразындағы марығда iкi алтын медаль холға кирген. Оолағасты «Россия» каналының кӧнi эфирiнде 27 ноябрьда кӧзiткеннер. Марығ оңдайларынҷа кӧрiгҷiлер кӧңнiне кiрген араласчы ӱчӱн ӱн пирчелер. Иң кӧп ӱн чыып алған кiчiг артист финалға сыхча. Толяның ӱчӱн 4 декабрьға теере ӱн пирiбiзерге чарир. Таланттығ оолахха полыс пирерге сағынчатсаңар, 9395 номерге смс ызыңар. Анда «15» сан кӧзiт саларға кирек. Смс ӱчӱн ахча албастар.
Автор :
Майя Кильчичакова
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 1 | 2 |
Кӱн таңмазы
Хакасияда
Россияда
Тилекейде
