Иң чарых ӱлӱкӱннернiң пiрсi таныхталча - Iӌе кӱнi
27.11.2022
Хабарлар
Хакасияда, тиксi хазнадағыох чiли, Iӌе кӱнiне чарыдылған концерттер, марығлар, акциялар иртче. Харатас городтың ööн библиотеказында халыхтар тоғызында öткiн араласчатхан iӌелер паза оларны пу чахсы ӱлӱкӱннең алғыстирға сағынчатхан аалӌылар чыылысханнар. Анда iӌелерге чарыдылған пайрамнығ концерт ирткен, чылығ алғыстастар чоохталған.
Хакасияның iстенiс паза социальнай арачыланыс министрi тоғызын толдырчатхан Андрей Петров сöбiрелерге пирiлчеткен социальнай хабазығлардаңар, 2023 чылдаң сығара пособиелер алӌаң оңдай нииктелчеткенiнеңер чоохтап пирген.
- Аарлығ ипчiлер, ноябрьның халғанӌы позырағында пiс кибiрли уғаа чахсы ӱлӱкӱннi таныхтапчабыстар - Iӌе кӱнiн!
Пӱӱн iӌелерге алғыс сöстерiн читiрерiне чахсы сылтағ пар. Iӌе полары - оой нимес iстенiс, ол тоғысха сыданчатханнар, тiзең, сын матыр ипчiлер!
Иң чахсы, чылығ паза прай чӱреенең сыхчатхан сöстер сiрерге пӱӱн не чоохталбазын, олар кӱннiң сай сiрерге читiрiлзiн. Сiрернiң iӌе кӱзiңер хаӌан даа хорабазын, харахтарыңар часкаа ла чылтыразын. Ӱлӱкӱннең, аарлығ ипчiлер! - алғыстаан республиканың iӌелерiн Андрей Петров.
Автор :
Тимнеен Альберт Толмашов
| Пн | Вт | Ср | Чт | Пт | Сб | Вс |
| 24 | 25 | 26 | 27 | 28 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
