Хакасияның сидік сурығлары ӱзӱрілген
25.11.2022
Хабарлар
Хакасия пазы Валентин Коновалов, тоғыс чорығынаң Москвада полып, тоғазығ иртірген Россияның Хазна Думазының сӧбіре, ипчілер, палалар сурығларынҷа комитедінің кнезі Нина Останинанаң. Аннаңар искірче республика пазы Валентин Коновалов социальнай сетьтердегі страницаларында.
Хакасия правительствозы социальнай обязательстволарын толдыр полар ӱчӱн 4 чыл изере наадаң наа оңдайлар кирче.
Республиканың 2023 чылдағы бюджедінің улуғ чардығы социальнай сфераа кӧстелче: ол - 31 млрд 199 млн салковай (тиксі бюджет хорадығларының 70-ҷа %-і). Андар кирілген: олған сады паза школа тоғынҷыларына чал ахчазы тӧлеглері, ӱгренҷілерні азырирына позыдылған ахча синін ӧскірері, идінҷектернің ӱгредіг организацияларына хабазары, олған лагерьлерінде тынандырарына путевкалар тӧлеглері, республиканың іҷе капиталының индексациязы.
Ідӧк ӧкіс палаларға чурт пирердеңер сурығ ӱзӱрілген. Хакасия правительствозы чурт аларына ахча синін чыл сай ӧскірчетсе дее (2018 чылда - 100 млн салковай, 2023 чылға - 338 млн салковай), че федеральной бюджеттең ахча пір ле син пирілче. Теес синін санға алып, пу сурығны федеральнай хабазии чох читіре пӧгер оңдай чоғыл.
Тоғазығда ідӧк республикадағы ӧрт ӱзірҷеңнернің социальнай льготаларын федеральнай синдегізінең тиңнеп салар оңдайдаңар, ээзі чох адайлар сурии паза пасха даа темаларға теелчеткен сурығлар ӱзӱрілген.
Нина Александровна пу искірілген ағырсымнығ сурығлар уғаа кирексіністіг полчатханын чахсы пілче паза оларны федеральнай синде пӧгеріне прай кӱзінең полызар.
Автор :
Тимнеен Инора Боргоякова
| Пн | Вт | Ср | Чт | Пт | Сб | Вс |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
