Ағбанда Кожевеннай орамадағы халғанӌы чолға ӱдесчең залда Украинада нацизмнең тоғыр иртiрiлчеткен öнетiн чаа операциязында махачы чаалазып, чуртазын пир салған чир-суғӌыбыс, лейтенант Егор Кадочниковты халғанӌы чолына ӱдескеннер. Траур митингiнде чоох тутханнар Хакасия пазы Валентин Коновалов, Ағбан город пазы Алексей Лемин, городтың чааӌылар комиссары Сергей Кибирев, Хакасияның Ööркi Чöп комитедiнiң кнезi Олег Иванов паза даа пасхазы. Прайзы матырның туған-чағыннарына, хада служба ирткеннерге, арғыстарына хомзынызын читiрген. Егор Кадочников пiснең хада хаӌанға даа халар, сабланыс ағаа хаӌанға даа! Аны Ағбандағы Чааӌылар сыырадында чыып салғаннар. Чааӌылар, автоматтардаң киизер залпнаң атып, матырны салютнаң ӱдескеннер.