Ағбан паза Харатас "Арығ кии" проектсер кирiлгеннер
25.03.2022
Хабарлар
Россияның чир-чайаан ис-пайы паза экология министерствозы киизер позыдылчатхан ниме-нооларға квоталар турғызарынӌа эксперимент иртiрӌең городтар переченьiн тимнеп салған. Городтар санын алғыдарға чахығны Россия президентi Владимир Путин пирген тiп искiрче министерство пресс-службазы.
"Гусиноозерск, Селенгинск, Улан-Удэ, Махачкала, Кызыл, Ағбан, Харатас, Барнаул... Пу городтар, хайда Росгидромет тöремiл кии тың пуртахталчатханын таныхтапча. Пöгiн - хазыхха хорғыстығ ниме-ноолар киизер позыдылчатханын iкi хати хызырары", - искiрген Россияның чир-чайаан ис-пайы паза экология министрi Александр Козлов.
Россия правительствозы городтар списогы 1 июльға теере чарадыға алылар тiп кöрiлче. Позы эксперимент, тiзең, городтарда 2023 чылның 1 сентябрьынаң пасталар паза 2030 чылның 31 декабрьына теере тоғынар.
Таныхтирға кирек, Хакасия пазы ирткен среда кӱнде Москвада тоғыс хоостыра полып министр Александр Козловнаң тоғасхан. Тоғазығда Ағбан-Харатас промышленность чирiнде кии пуртахталчатханы ӱзӱрiлген. Кии пуртахталчатханының ööн сылтаа пос тураларындағы пес ызы. Сидiксiнiстi пöкчең килiстiре оңдай чарытхынаң чылыдарына кiрерi полча.
Ол проекттернi "Арығ кии" федеральнай программа хоостыра чуртасха кирiп аларға чарир. Валентин Коновалов министрнең Ағбан паза Харатас городтарны ол программазар кирерiн ӱзӱрген. Амды ол тоғазығның салтарларынӌа Хакасияның ööн городы паза Харатас проект араласчылары санынзар кирiлдi.
Автор :
Тимнеен Альберт Толмашов
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 1 | 2 |
Кӱн таңмазы
Хакасияда
Россияда
Тилекейде
