Хакасияа пазох пiр чiдiрiг
25.03.2022
Хабарлар

Хакасияның пiр оолғы, Украинадағы öнетiн чаа операциязында аралазып, чуртазын пир салды. Ол гвардияның старшиназы Владимир Боргояков, чааӌы службазын контрактча иртчеткен. Владимир Владимирович Боргояков Асхыс аймаанда тöреен, ағаа 37 час полған. Ибде аның паба-iӌезi, харындазы паза ипчiзi халғаннар.
Хакасия пазы Валентин Коновалов Россия армиязының чааӌызының туған-чағыннарына хомзынызын читiрген: «Пазох аар чобағ… 12 мартта Украинада öнетiн чаа операциязы тузында чааӌы службазын толдырчадып, пiстiң чир-суғӌыбыс Владимир Боргояков, махачы чаалазып, чуртазын пир салған. Ол танк командирi полған. 11 чаа сыйыхтарына турысхан, оларның аразында - Мужество орденi.
Хакасия правительствозының паза позымның адынаң Владимир Владимирович Боргояковтың туған-чағыннарына, арғыстарына, Асхыс аймааның чуртағӌыларына улуғ хомзынызым читiрчем. Сiрернең хада чобалчабыс. Сабланыс матырға, ол хаӌанға даа пiснең хада халар!». Хакасия пазының чооғынаң, чааӌының сöбiрезiне прай кирек хабазығ пирiлер.
Чир-суубыстың арачылағӌызын Асхыс аймаандағы Чоғархы Тöö аалда чыып саларлар, анда аның паба-iӌезi чуртапча.
19 мартта Хакасия Украинада иртiрiлчеткен öнетiн операция тузында чуртазын пир салған ГРУ спецназының 22 частығ чааӌызы Александр Савельевтi ӱдескен.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 1 | 2 |
Кӱн таңмазы
Хакасияда
Россияда
Тилекейде