Вконтакте бизнеснең хада: Хакасияның идінҷектері Россияның соцсетьтерінзер кöсчелер
13.03.2022
Хабарлар
Понедельникте, 14 мартта, Россияда Instagram социальнай сетьті чабызарлар. Роскомнадзор Россияның чуртағҷыларынаң тоғыр хығыртығларның ӱчӱн пу чарадығны алған.
Ӱр ниместе ле Россияның 80 миллион чуртағҷызы ол площадкадағы страницаларда чоох алысчаңнар, пазысчаңнар, коммерческай аккаунттарда садығ апарчатханнар. Instagram-ның тоғызы пістің хазнада туюхталарынаңар хабар сыххандох, аннаң тузаланчатханнарның кöбізі ВК-зар паза Телеграмзар кöс сыххан.
Постарының аудиториязын чiдірбес ӱчӱн, Хакасияның идінҷектері ідöк пос чирінің соцсетьтерінзер кöсчелер. Алғым оңдайлары хоостыра бизнестегілерге ВК-да тоғыстарын апарарға истіг ле, аннаңар анда идінҷектер "хайынчатханы" пӱӱл кöріндіре öсче. Instagram осхас саблығ “орынны” орыс VK алыстырып алар алай чох - пу чағында пілдістіг полар.
VK соцсетьтің пресс-службазы таниинаң, идінҷектерге пос киреен пастирына VK-да прай оңдайлар тöстелген. Идінҷектерге, постарының страницаларын азып, хабазығларынаңар паза сатчаң ниме-нооларынаңар искірігні ле хозыбызарға халча.
Абазадағы идінҷек Валентина Голохвастова ВК-да хаҷанох садығ апарчатханнаңар чоохтапча:"Пістің городта пицца читірерінӌе пос киреен асчатханда, піс азынада прай соцсетьтерде аккаунттар тöстеебіс, анзы чуртағӌыларға истіг полар ӱчӱн иділген. ВК-да араласчы пастағызынаң сығара кöп ле саналҷаң, пасха площадкаларнаң тиңнестірзе. Мында ниме-ноо менюзын сығарып, аны алыстырарға ниик ле. Аннаң андар ВК-наң тоғыста тузаланарбыс паза наа оңдайлар чуртасха хайди даа кирербіс, - ӱлесче Валентина.
Соцсетьнең тузаланчатханы - ол, пір дее ахча хоратпин, интернетте садығ туразын азып алғаны. Ол ниме-ноо садиин апарарға, полызығларны сöлирге чахсы оңдай асча. Тöлеглер VK Pay сервис пастыра апарылча - ол хорғыс чох полған на Россиядағы банктарның карталарынаң тоғынча.
Садығ апарчатханнарға тиксі Россияҷа тоғынчатхан Boxberri паза СДЭК почтазынҷа алай курьерлерінӌе товарларын ызыбызарға чарир.
Идінҷектерге хараа-кӱнöрте хабазығ пирілчеткеннеңер искірчебіс. Платформа нааҷылалғаннаңар, хабарларны "Вконтакте для бизнеса" чардыхта кöріп аларға чарир.
Идінҷектернің кирексіністеріне тöстеніп, VK кічіг паза ортымах бизнестің кöстеглеріне хабас пирче. Полызығ пос страницазын иң чахсы саринаң иптебізерге паза кирек толдыра парарына тіп кöрілген.
"Мин наа ла пу соцсетьті істезерге пастабыстым, - чоохтапча ағбандағы идінҷек Мария Баштакова, - бизнеснең наа ла айғас сыхханда, ВК-да страницамны апарчатхам, анаң, Instagram-да истіг ле пілдір парыбысханда, анда апар сыххам. Халғанҷы хабарлар хоостыра, "сыххан чирібіссер" айланарға килізер, неке. Мында мин кöп наа ниме таап алғам: пасха тиріглер, наа аудитория. Пілдістіг, кöнік парарға сидік полар, че ікінҷілес чох сағынчам, тоғыстың наа сариларына табырах ӱгренербіс, VK хабазиинаң уламох пöзік чидіглерге хаалирбыс".
Ундутпаңар, пасха платформадағы сірерге пазынған кізілеріңні хайраллап алар ӱчӱн, хысхаҷах ссылкалар паза QR-код генератор тöстеҷең тирігнең тузаланарға чарир.
Тимнеен Тарина Бутонаева
| Пн | Вт | Ср | Чт | Пт | Сб | Вс |
| 24 | 25 | 26 | 27 | 28 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
