Олег Васильевич Ананьевский хазых министерствозының устағҷызы
31.01.2022
Хабарлар

Хакасияның хазых хайраллаҷаң министрi Олег Васильевич Ананьевскийнiң айланызы Хакасияның аарлығ чуртағҷылары! Пӱӱн кискек чуғынҷах ағырығлар тарапчатхан хоостыра эпидемиология саринаң сидік кирек парча. Пятницада республиканың имнег организацияларынзар кискектепчеткен 5 муң пациент айланған. Оларның прайзынаң коронавирусха ПЦР анализтері алылған. Ағырчатханнарның саны уғаа табырах ӧсче. Пӱӱнгі туста иң ӧӧні – чара тудынары. Хаҷан сірернің ағырығ оой иртчетсе, идіңер тың ізібинчетсе, ибде халып имненерге чарир. Ит-сӧӧкті тиксі тыытчатхан оңдайнаң имненерге. Че хаҷан ит ізии пӧзік полза, ибзер соона салдырбас имнег полызиин хығыртыңар. Ит ізии 38,5 градустаң пӧзік полза, табырах имнег полызиин хығыртарға. Хатап чоохтапчам, иң ӧӧні – чара тудынары. Кемге-де больничнай лист киректелчетсе, ӧӧнінде ол Ағбандағы чуртағҷыларға теелче, аннаңар городтағы улуғлар паза олған поликлиниказының электроннай почтазынзар пас саларға чарир. Адрестер улуғлар паза олған имнег тураларының сайттарында пар. Имнег тоғынҷылары, сірернең палғалызып, телефонҷа сурығларыңа нандырып полызарлар.
Автор :
Инора Боргоякова
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 1 | 2 |
Кӱн таңмазы
Хакасияда
Россияда
Тилекейде