78 чуртағӌы коронавирусты хаптырып алған
01.01.2022
Хабарлар
Халғанӌы суткада республиканың аймах лабораторияларында 78 чуртағӌыдаң наа чуғынӌах ағырығ табылған (Ағбан - 24, Саяногорск - 19, Харатас паза Ағбан пилтiрi аймаа - 8, Пии аймаа - 4, Алтай, Асхыс, Шира аймахтарында - 3, Таштып паза Боград аймахтарда - 2, Сорығ Орджоникидзе аймаанда - пiрер кiзi):
- 37 кiзi, кискектеп, имӌiлерзер айланған;
- 2 чуртағӌыдаң ковид внебольничнай пневмониядаң имненчеткенде сығысхан;
- 25 чир-суғӌыбыс наа чуғынӌах ағырығны сöбiреде хаптырып алған, 11 - тоғыста;
- 2 кiзiдең коронавирус имӌiлер сыныхтағ иртiрчеткенде таап алғаннар;
- 1 чуртағӌы, коронавируснаң пасха субъекттең айланып, ағырыбысхан.
Чыл пасталғаннаң Хакасияда тиксi 78 чуртағӌыдаң COVID-19 сығысхан. Тöрт кӱн аразына чуғынӌах ағырығның чон аразында тарапчатхан коэффициентi 0,8 кöзiдiмге тиңнелче, 7 кӱн аразына - 0,8.
Имӌiлернiң хайиинда 2163 (-118) кiзi саналча, олар прайзы коронавируснаң ағырчатханнарнаң палғалыста полғаннар.
Ибдең 1236(+25) чуртағӌы имненче, имнег тураларында - 410 (-10) кiзi: олардаң 12-зi ИВЛ аппарат полызиинаң тынча.
Автор :
Ольга Томочакова
| Пн | Вт | Ср | Чт | Пт | Сб | Вс |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
