448 чуртағӌы коронавирустаң хазыхтанып алды
18.12.2021
Хабарлар
Пӱӱнгi кӱнге Хакасияда 448 кiзi имненген соонда хазыхтанып алды.
Халғанӌы суткада республиканың лабораторияларында 130 чуртағӌыдаң наа чуғынӌах ағырығ табылған (Ағбан - 45, Харатас - 25, Саяногорск - 18, Ағбан пилтiрi аймаа - 15, Асхыс паза Пии аймахтары - пизер, Абаза паза Алтай аймаа - тöртер, Боград аймаа - 3, Сорығ паза Таштып аймаа - iкiлер, Шира паза Орджоникидзе аймахтары - пiрер):
- 62 кiзi, кискектеп, имӌiзер айланған;
- 15 чуртағӌыдаң ковид внебольничнай пневмониядаң имненчеткенде сығысхан;
- 36 чир-суғӌыбыс наа чуғынӌах ағырығны сöбiреде хаптырып алған, 12 - тоғыста;
- 4 кiзiдең коронавирус имӌiлер сыныхтағ иртiрчеткенде, таап алғаннар;
- 1 кiзi пасха субъектте, пасха хан чирiнде пол килген соонда ағырыбысхан.
Чыл пасталғаннаң Хакасияда 38840 чуртағӌыдаң COVID-19 сығысхан. Тöрт кӱн аразына чуғынӌах ағырығның чон аразында тарапчатхан коэффициентi 0,9 кöзiдiмге тиңнелче, 7 кӱн аразына - 0,9.
Имӌiлер хайиинда 3262 (+54) кiзi саналча, олар прайзы коронавируснаң ағырчатханнарнаң палғалыста полғаннар.
Ибдең 2539 (-271) чуртағӌы имненче, имнег тураларында - 662 (-48) кiзi; олардаң 9-зы ИВЛ аппарат полызиинаң тынча.
Автор :
Оксана Челтыгмашева
| Пн | Вт | Ср | Чт | Пт | Сб | Вс |
| 31 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 1 | 2 | 3 | 4 |
Кӱн таңмазы
Хакасияда
Россияда
Тилекейде
